સૌંદર્ય અને અદાઓને લીધે છવાયેલી ઑલરાઉન્ડર મેધાવી બિધુરી ઇચ્છે છે કે ‌વિરાટ કોહલી ફૉલો-બૅક કરે

સૌંદર્ય અને અદાઓને લીધે છવાયેલી ઑલરાઉન્ડર મેધાવી બિધુરી ઇચ્છે છે કે ‌વિરાટ કોહલી ફૉલો-બૅક કરે, WPLમાં પણ તે બૅન્ગલોરની ટીમ વતી રમવા માગે છે

મેધાવી બિધુરી

હાલ ચાલી રહેલી મહિલાઓની દિલ્હી પ્રીમિયર લીગ આજકાલ ચર્ચામાં છે. એનું કારણ કોઈ ટીમ કે ખેલાડીના શાનદાર પર્ફોર્મન્સ નહીં, પણ એક ૨૦ વર્ષની ખેલાડીના સૌંદર્ય અને અદાઓને લીધે. આ ખેલાડી છે મેધાવી બિધુરી. ગયા અઠવાડિયે લીગની પ્રથમ મૅચમાં જ મેધાવીની વિકેટ લીધા બાદના અનોખા સેલિબ્રેશન વિડિયો સોશ્યલ મીડિયામાં ખૂબ જ વાઇરલ થયા હતા. યુઝવેન્દ્ર ચહલે પણ ઇંગ્લૅન્ડમાં કાઉન્ટીમાં વિકેટ લીધા બાદ મેધાવીની સ્ટાઇલમાં સેલિબ્રેશન કર્યું હતું. 
ક્રિકેટ ફૅન્સની નવી ક્રશ બની ગયેલી મેધાવીએ હાલમાં એક પત્રકાર સાથેની વાતચીતમાં કહ્યું હતું કે ‘મારા હવે ફૉલોઅર્સ ખૂબ જ વધી ગયા છે પણ હું ઇચ્છું છું કે વિરાટ કોહલી મને ફૉલોબૅક કરે. તે વિરાટ અને મિતાલી રાજને આદર્શ માને છે. 
વુમન્સ પ્રીમિયર લીગ (WPL)માં પણ મેધાવીને રમવું છે અને એમાં પણ વિરાટ જેની સાથે સંકળાયેલો છે અે બૅન્ગલોરની ટીમમાં. આ બાબતે તેણે કહ્યું હતું કે ‘મને કોઈ પણ ટીમ સિલેક્ટ કરશે તો મને ગમશે પણ જો મારે પસંદગી કરવાની હોય તો રૉયલ ચૅલેન્જર્સ બેન્ગલુરુને કરીશ. હું ત્યાં ઘણાને ઓળખું છું. ત્યાં વિરાટ છે, કદાચ એટલે પણ.’