બંગલાદેશની બૅટિંગ દરમ્યાન દિવસના અંતે તૌહિદ હૃદય ૮૦ બૉલમાં ૨૯ રન અને મુસ્તફિઝુર રહીમ ૫૬ બૉલમાં ૧૯ રન કરીને અંત સુધી ટકી રહ્યા હતા. ત્રણ કૅરિબિયન ફાસ્ટ બોલર્સને એક-એક વિકેટ મળી હતી.
ફાસ્ટ બોલર હસન મહમૂદે ૯૦ રન આપીને ૬ વિકેટ લીધી
બે ટેસ્ટ-મૅચની સિરીઝમાં ૧-૦થી આગળ વેસ્ટ ઇન્ડીઝે બીજી ટેસ્ટ-મૅચના બીજા દિવસના અંતે યજમાન બંગલાદેશ સામે પ્રભુત્વ મેળવ્યું હતું. પહેલી ઇનિંગ્સમાં કૅરિબિયન ટીમે ૧૦૬.૪ ઓવરમાં ૩૫૬-૧૦નો સ્કોર કર્યો હતો. બંગલાદેશે માત્ર ૫૧ રનના સ્કોરે ત્રણેય ટૉપ-ઑર્ડર બૅટર્સની વિકેટ ગુમાવ્યા પછી દિવસના અંતે ૪૦ ઓવરમાં ૮૮-૩ નો સ્કોર કર્યો હતો.
બીજા દિવસે મહેમાન ટીમે ૨૩૫-૪ના સ્કોરથી પહેલી ઇનિંગ્સ આગળ વધારી હતી. વિકેટકીપર-બૅટર આમિર જંગૂએ ૧૩ ફોર, બે સિક્સની મદદથી ૨૧૨ બૉલમાં ૧૩૩ રનની ઇનિંગ્સ રમી હતી. ત્યાર પછી જસ્ટિન ગ્રીવ્સે ૧૧૨ બૉલમાં ૪ ફોરને આધારે ૫૧ રન કર્યા હતા. હસન મહમૂદે ૨૪ ઓવરમાં ૯૦ રન આપીને ૬ વિકેટ લીધી હતી. તે ટેસ્ટ-ક્રિકેટમાં પાંચ વખત પાંચ વિકેટ લેનાર પહેલો બંગલાદેશી ફાસ્ટ બોલર બન્યો હતો.
ADVERTISEMENT
બંગલાદેશની બૅટિંગ દરમ્યાન દિવસના અંતે તૌહિદ હૃદય ૮૦ બૉલમાં ૨૯ રન અને મુસ્તફિઝુર રહીમ ૫૬ બૉલમાં ૧૯ રન કરીને અંત સુધી ટકી રહ્યા હતા. ત્રણ કૅરિબિયન ફાસ્ટ બોલર્સને એક-એક વિકેટ મળી હતી.
