લક્ષ્ય સેન બે વર્ષ બાદ કોઈ મોટી ટુર્નામેન્ટની ફાઇનલમાં પહોંચ્યો છે જ્યારે સાત્વિક-ચિરાગની જોડી વર્તમાન સીઝનમાં પહેલી વખત ફાઇનલ મૅચ રમશે
સાત્વિકસાઈરાજ રૅન્કીરેડ્ડી અને ચિરાગ શેટ્ટીની જોડી
બૅડ્મિન્ટનની ૪૩ વર્ષ જૂની હૉન્ગકૉન્ગ ઓપન ટુર્નામેન્ટની ફાઇનલમાં એન્ટ્રી કરીને સાત્વિકસાઈરાજ રૅન્કીરેડ્ડી અને ચિરાગ શેટ્ટીની જોડી તેમ જ લક્ષ્ય સેને ભારત માટે મેડલ નિશ્ચિત કર્યો છે. ચાઇનીઝ તાઇપેઇના પ્લેયર્સ સામે મેન્સ સિંગલ્સમાં લક્ષ્ય સેને ૨૩-૨૧, ૨૨-૨૦થી અને સાત્વિક અને ચિરાગની જોડીએ ૨૧-૧૭, ૨૧-૧૫થી જીત મેળવી હતી.
લક્ષ્ય સેન બે વર્ષ બાદ કોઈ મોટી ટુર્નામેન્ટની ફાઇનલમાં પહોંચ્યો છે જ્યારે સાત્વિક-ચિરાગની જોડી વર્તમાન સીઝનમાં પહેલી વખત ફાઇનલ મૅચ રમશે. ત્રણેય પ્લેયર્સ આજે ફાઇનલમાં ગોલ્ડ મેડલ જીતવા ઊતરશે. ભારતે આ ટુર્નામેન્ટમાં બે ગોલ્ડ, બે સિલ્વર અને પાંચ બ્રૉન્ઝ મેડલ જીત્યા છે.
