Amitabh Bachchan on Abhishek Bachchan: અભિષેક બચ્ચનને ‘નેપોટિઝમ નેગેટિવિટી’નો શિકાર ગણાવતા અમિતાભે કહ્યું કે તે એક અદ્ભૂત કલાકાર છે. ‘Be Happy’ ફિલ્મ માટે પણ તેમણે અભિષેકના અભિનયની પ્રશંસા કરી. Prime Video પર 14 માર્ચે ફિલ્મનું પ્રીમિયર થશે.
ફાઇલ તસવીર
બૉલિવુડ અભિનેતા અમિતાભ બચ્ચન તેમના પુત્ર અભિષેક બચ્ચન માટે ગર્વ અનુભવે છે અને તે ઘણીવાર સોશિયલ મીડિયા પર અભિષેકના પ્રશંસકોની ટિપ્પણીઓ પર પ્રતિક્રિયા આપતા જોવા મળે છે. તાજેતરમાં, તેમણે એક ટ્વિટર યુઝરના પોસ્ટ પર પ્રતિક્રિયા આપી, જેમાં યુઝરે અભિષેકને `નેપોટિઝમ નેગેટિવિટી`નો શિકાર ગણાવ્યો હતો અને તેની ફિલ્મોગ્રાફી વિશે વાત કરી હતી.
I feel the same .. and not just because I am his Father https://t.co/PvJXne1eew
— Amitabh Bachchan (@SrBachchan) March 4, 2025
ADVERTISEMENT
`નેપોટિઝમ નેગેટિવિટી`નો શિકાર?
એક એક્સ યુઝરે લખ્યું, "અભિષેક બચ્ચન અનાવશ્યક રીતે `નેપોટિઝમ` નેગેટિવિટીનો શિકાર બન્યો, પણ જો તેમની ફિલ્મોગ્રાફી જોઈએ તો તેમાં ઘણી સારી ફિલ્મો છે." આ ટિપ્પણી પર પ્રતિક્રિયા આપતા અમિતાભ બચ્ચને લખ્યું, "હું પણ આવું જ માનું છું... અને ફક્ત એ કારણથી નહીં કે હું તેનો પિતા છું."
Abhishek you are extraordinary .. how you adapt and change with each film character is an art, which is incredible .. love you Bhaiyu https://t.co/Dl7sbHg8N4
— Amitabh Bachchan (@SrBachchan) March 4, 2025
`Be Happy` વિશે અમિતાભનો અભિપ્રાય
અમિતાભ બચ્ચને બીજી એક પોસ્ટનો જવાબ આપતાં અભિષેકની આગામી ફિલ્મ `Be Happy`માં તેના અભિનયની પ્રશંસા કરી. અમિતાભે લખ્યું, "અભિષેક, તું અસાધારણ કલાકાર છે... દરેક ફિલ્મમાં તું જે રીતે દરેક પાત્રને પોતાનો કરી લે છે, એ એક અદ્ભૂત કલા છે... લવ યુ ભાઈયૂ."
`Be Happy` ફિલ્મ
`Be Happy` અભિષેક બચ્ચન અને નોરા ફતેહીની ભાવનાત્મક અને પ્રેરણાદાયી ફિલ્મ છે. આ ફિલ્મ એક સિંગલ ફાધર અને તેની ડાન્સર પુત્રીના સબંધો પર બનાવવામાં આવી છે. ફિલ્મમાં બતાવવામાં આવ્યું છે કે કેવી રીતે એક પિતા રીતે પોતાની પુત્રીના સ્વપ્નને સમજી શકતો નથી, પરંતુ પછી તે તેનો સંપૂર્ણ સમર્થન આપે છે. ફિલ્મમાં હાસ્ય, લાગણીઓ, સ્નેહ અને સપનાને સાકાર કરવાની સંઘર્ષયાત્રા દર્શાવવામાં આવી છે. પ્રાઇમ વીડિયોએ ઇન્સ્ટાગ્રામ પર ફિલ્મનું ટ્રેલર શૅર કરી કૅપ્શનમાં લખ્યું, "ક્યારેક સ્વપ્નને સાકાર કરવા માટે બે લોકોની જરૂર હોય છે... #BeHappyOnPrime, માર્ચ 14."
View this post on Instagram
અભિષેક બચ્ચનનું નિવેદન
અભિષેક બચ્ચને આ ફિલ્મ વિશે વાત કરતાં જણાવ્યું હતું કે, "શિવનું પાત્ર ભજવવું એક ભાવનાત્મક યાત્રા હતી. તે એક પિતા છે, જે સમય અને નસીબ સામે લડીને પોતાની પુત્રીના સ્વપ્નને પૂર્ણ કરવાનો પ્રયાસ કરે છે. `Be Happy` માત્ર એક ફિલ્મ નથી, પરંતુ તે જીવનની સંઘર્ષયાત્રા અને નિષ્ઠાની વાર્તા છે. આ ફિલ્મ આપણને શીખવે છે કે આપણે જે સૌથી હિંમતવાન કાર્ય કરી શકીએ છીએ તે છે આગળ વધતા રહેવું, ભલે જીવનની સૌથી મુશ્કેલ ક્ષણો આપણને પાછળ રાખવાનો પ્રયાસ કરે, જેમ કે નૃત્ય. તેમણે દિગ્દર્શક રેમો ડિસૂઝાની પ્રશંસા કરતાં કહ્યું, "આ ફિલ્મ રેમોના વિઝન અને કુશળતાને લીધે બની છે. તેઓ દરેક દૃશ્યમાં ભાવનાઓને ઉમેરવામાં નિપુણ છે. મને વિશ્વાસ છે કે લોકોને આ ફિલ્મ ખૂબ ગમશે. હું 14 માર્ચે પ્રાઇમ વિડિયો પર ફિલ્મના પ્રીમિયરની રાહ જોઈ રહ્યો છું." `Be Happy` ઓટીટી પ્લેટફોર્મ Prime Video પર 14 માર્ચથી પ્રીમિયર થવાની છે.
