`હિન્દી ધુરંધર : ધ રિવેન્જ` ભારતીય બૉક્સ-ઑફિસ પર ૮૦૦ નૉટ આઉટ

આ ફિલ્મે બીજા વીક-એન્ડમાં કુલ ૧૬૪ કરોડની કમાણી કરીને એક ખાસ રેકૉર્ડ બનાવી લીધો

ફિલ્મની કુલ કમાણી થઈ ૮૧૩ કરોડ રૂપિયા

‘ધુરંધર : ધ રિવેન્જ’ બૉક્સ-ઑફિસ પર ધમાલ મચાવી રહી છે અને સતત નવા રેકૉર્ડ બનાવી રહી છે. ફિલ્મે પોતાના બીજા વીક-એન્ડમાં જ ઇતિહાસ રચી દીધો છે. આ ફિલ્મે બીજા વીક-એન્ડમાં શુક્રવારથી રવિવાર દરમ્યાન કુલ ૧૬૪ કરોડ રૂપિયાની કમાણી કરીને હિન્દી સિનેમાના ઇતિહાસમાં વીક-એન્ડ 2માં સૌથી વધુ કમાણી કરનારી હિન્દી ફિલ્મનો ખિતાબ મેળવી લીધો છે. આ માટે તેણે ‘ધુરંધર’ (૧૪૬.૬૦ કરોડ રૂપિયા), ‘પુષ્પા 2’ (૧૨૮ કરોડ રૂપિયા) અને ‘છાવા’ (૧૦૯.૨૩ કરોડ રૂપિયા)ને પાછળ મૂકી દીધી છે.

‘ધુરંધર : ધ રિવેન્જ’ હવે એવી ચોથી ફિલ્મ બની છે જેણે બીજા વીક-એન્ડમાં ૧૦૦ કરોડ રૂપિયાથી વધુની કમાણી કરી છે. આ ખાસ યાદીમાં ‘ધુરંધર’, ‘પુષ્પા 2’ અને ‘છાવા’ પહેલેથી સામેલ છે. આ રીતે ‘ધુરંધર : ધ રિવેન્જ’ બૉક્સ-ઑફિસ પર ‘૮૦૦ નૉટ આઉટ’ રહીને નવા રેકૉર્ડ્સ કરતી આગળ વધી રહી છે.

ADVERTISEMENT