કુમાર સાનુના દીકરા જાન રીટા સાનુને આ બીમારી થતા હૉસ્પિટલમાં કર્યો દાખલ
જાન રીટા સાનુ
કુમાર સાનુનો દીકરો જાન રીટા સાનુ હાલમાં તેને થયેલા કોવિડને કારણે ચર્ચામાં છે. જાને સોશ્યલ મીડિયામાં વિડિયો શૅર કર્યો છે જેમાં તે હૉસ્પિટલમાં દાખલ થયેલો જોવા મળે છે અને તેના હાથમાં IV (ઇન્ટ્રાવીનસ) ડ્રિપ લગાવેલી છે. જાને આ વિડિયો શૅર કરીને લખ્યું છે, ‘ચીન સે આયા મેરા દોસ્ત... કોવિડ કો સલામ કરો.’ આ ઉપરાંત તેણે વિડિયોમાં મજાકિયા અંદાજમાં લખ્યું છે કે ‘ફિટ ચેક. મેં મારા ફેવરિટ ડિઝાઇનરનાં કપડાં પહેર્યાં છે : કોકિલાબેન. ચેક્ડ ઇન : વુહાનથી આવેલો કોવિડ.’
૨૦૧૯ના ડિસેમ્બરમાં ચીનના વુહાન શહેરમાંથી કોવિડ-૧૯ મહામારીની શરૂઆત થઈ હતી. ત્યાર બાદ આ વાયરસ વિશ્વના અનેક દેશોમાં ફેલાયો હતો. આ પછી ૨૦૨૩ના મે મહિનામાં વિશ્વ આરોગ્ય સંસ્થાએ કોવિડને વૈશ્વિક આરોગ્ય કટોકટી તરીકે સમાપ્ત થયાની જાહેરાત કરી હતી. જોકે આજે પણ છૂટાછવાયા કેસ નોંધાતા રહે છે.
