Shilpa Shetty’s Bastian Bandra to Shut Down: શિલ્પા શેટ્ટીનું રેસ્ટોરન્ટ બાસ્ટિયન બાંદ્રા બંધ થઈ રહ્યું છે. તેણે સોશિયલ મીડિયા પર એક પોસ્ટ દ્વારા તેના ફોલોઅર્સને આ વિશે માહિતી આપી. શિલ્પાએ લખ્યું છે કે ગુરુવાર તેના રેસ્ટૉરન્ટનો છેલ્લો દિવસ છે.
બાસ્ટિયન રેસ્ટૉરન્ટ અને શૅર કરેલ નોટ (તસવીર સૌજન્ય: મિડ-ડે અને સોશિયલ મીડિયા)
શિલ્પા શેટ્ટીનું લોકપ્રિય રેસ્ટોરન્ટ બાસ્ટિયન બાંદ્રા બંધ થઈ રહ્યું છે. તેણે સોશિયલ મીડિયા પર એક ભાવનાત્મક પોસ્ટ દ્વારા તેના ફોલોઅર્સને આ વિશે માહિતી આપી. શિલ્પાએ લખ્યું છે કે ગુરુવાર તેના રેસ્ટૉરન્ટનો છેલ્લો દિવસ છે. તાજેતરમાં જ શિલ્પા શેટ્ટી અને તેના પતિ રાજ કુંદ્રા પર 60.4 કરોડ રૂપિયાની છેતરપિંડીનો આરોપ મૂકવામાં આવ્યો હતો. આ પછી, તેમના રેસ્ટૉરન્ટ બંધ થવાના સમાચાર આવ્યા.
શિલ્પાની ઈમોશનલ નોટ
શિલ્પાએ પોસ્ટમાં લખ્યું, `આ ગુરુવારે, એક યુગનો અંત આવે છે કારણ કે આપણે મુંબઈના પ્રતિષ્ઠિત સ્થળોમાંના એક, બાસ્ટિયન બાંદ્રાને અંતિમ વિદાય આપીએ છીએ. એક એવી જગ્યા જેણે બધાને અસંખ્ય યાદો, અવિસ્મરણીય રાતો અને ક્ષણો આપી હતી જેણે શહેરની નાઇટલાઇફને આકાર આપ્યો હતો તે હવે તેના અંતિમ તબક્કામાં છે.` શિલ્પાએ જણાવ્યું કે તે સુપ્રસિદ્ધ સ્થળને માન આપવા માટે, તે તેના સહાયકો સાથે એક ખાસ ઈવનિંગનું આયોજન કરી રહી છે જે સ્પેશિયલ યાદો અને ઉજવણીઓથી ભરેલી હશે.
ADVERTISEMENT
View this post on Instagram
છેતરપિંડીનો આરોપ
શિલ્પા શેટ્ટી અને રાજ કુન્દ્રાનું જીવન છેલ્લા કેટલાક વર્ષોથી ઉતાર-ચઢાવમાંથી પસાર થઈ રહ્યું છે. થોડા દિવસો પહેલા સમાચાર આવ્યા હતા કે મુંબઈના એક ઉદ્યોગપતિએ બંને વિરુદ્ધ ઈકોનોમિક ઑફિસ શાખામાં ફરિયાદ નોંધાવી છે. તેમના પર લોન કમ ઇન્વેસ્ટમેન્ટ ડીલના નામે 60.4 કરોડ રૂપિયાની છેતરપિંડીનો આરોપ છે. આ કેસમાં વધુ એક અજાણ્યા વ્યક્તિનું નામ લેવામાં આવ્યું છે. દીપક કોઠારી નામના એક વ્યક્તિએ આરોપ લગાવ્યો છે કે 2015 થી 2023 ની વચ્ચે તેણે રાજ અને શિલ્પાની હવે બંધ થયેલી કંપની બેસ્ટ ડીલ પ્રાઇવેટ લિમિટેડમાં પૈસા રોકાણ કર્યા હતા. એવો આરોપ છે કે રાજ અને શિલ્પાએ આ પૈસા વ્યક્તિગત જરૂરિયાતો પર ખર્ચ્યા હતા. શિલ્પાના વકીલે આ આરોપોને નકારી કાઢ્યા છે. તેમણે કહ્યું હતું કે તપાસ એજન્સીને જરૂરી દસ્તાવેજો આપવામાં આવ્યા છે.
શિલ્પા શેટ્ટી અને તેનો પરિવાર દર વર્ષે ભવ્ય રીતે ગણેશોત્સવની ઉજવણી કરે છે અને ખૂબ ઉત્સાહ, ભક્તિ અને પ્રેમ સાથે ઘરે ગણપતિનું સ્વાગત કરે છે. જોકે આ વર્ષે શિલ્પા આ તહેવારની ઉજવણી નહીં કરે. શિલ્પાએ ‘ગણપતિ બાપ્પા મોરયા, પુઢ્યા વર્ષી લવકર યા’ કૅપ્શન લખીને પોતાની સોશ્યલ મીડિયા સ્ટોરીમાં એક નિવેદન શૅર કર્યું છે કે ‘પ્રિય મિત્રો, ઊંડા દુ:ખ સાથે અમે તમને જણાવીએ છીએ કે પરિવારમાં શોકને કારણે આ વર્ષે અમે ગણપતિ ઉજવણી નહીં કરીએ. પરંપરા મુજબ અમે ૧૩ દિવસનો શોકનો સમયગાળો પાળીશું અને તેથી કોઈ પણ ધાર્મિક ઉજવણીઓથી દૂર રહીશું. અમે તમારી સમજણ અને પ્રાર્થનાઓની અપેક્ષા રાખીએ છીએ. આભાર સાથે કુન્દ્રા પરિવાર.’
