આ ફિલ્મ દ્વારા શિર્ષા ગુહા ઠાકુર્તા ડિરેક્શનમાં ઝંપલાવી રહી છે
વિદ્યા બાલન, પ્રતીક ગાંધી
વિદ્યા બાલન અને પ્રતીક ગાંધીની આગામી ફિલ્મનું નામ ‘લવર્સ’ રાખવામાં આવ્યું છે. આ ફિલ્મ દ્વારા શિર્ષા ગુહા ઠાકુર્તા ડિરેક્શનમાં ઝંપલાવી રહી છે. આ ફિલ્મનું નામ ‘લવર્સ’ છે અને એનું બહુ જલદી શૂટિંગ શરૂ કરવામાં આવશે. આ ફિલ્મમાં પિતૃપ્રધાન જે પણ ધોરણો છે એના પર સવાલ ઉઠાવવામાં આવશે. આ ફિલ્મનું શૂટિંગ મુંબઈ અને તામિલનાડુના કુનૂરમાં કરવામાં આવશે. આ ફિલ્મના શૂટિંગની તારીખો નક્કી કરવામાં આવી રહી છે. વિદ્યા હાલમાં શેફાલી શાહ સાથેની ફિલ્મનું શૂટિંગ કરી રહી છે. પ્રતીકની ‘ભવાઈ’ પહેલી ઑક્ટોબરે રિલીઝ થવાની છે.