° °

આજનું ઇ-પેપર
Friday, 21 January, 2022


મહેશ કનોડિયા અને નરેશ કનોડિયાને મરણોત્તર પદ્મશ્રી એનાયત કરાયો

10 November, 2021 08:29 PM IST | Mumbai | Karan Negandhi

નરેશ કનોડિયાનો એવોર્ડ પત્ની રતનબેન કનોડિયાએ એવોર્ડ સ્વીકાર્યો હતો, જ્યારે મહેશ કનોડિયાનો એવોર્ડ તેમના ભત્રીજા અને અભિનેતા હિતુ કનોડિયાએ સ્વીકાર્યો હતો.

ફાઇલ ફોટો

ફાઇલ ફોટો

ગુજરાતી ગાયક સ્વ. મહેશ કનોડિયા અને તેમના ભાઈ, ગુજરાતી ફિલ્મના સુપરસ્ટાર નરેશ કનોડિયાને કલા ક્ષેત્રે તેમના યોગદાન બદલ ગઈકાલે રાષ્ટ્રપતિ રામનાથ કોવિંદના હસ્તે મરણોત્તર પદ્મશ્રી એવોર્ડથી નવાજવામાં આવ્યા હતા. નરેશ કનોડિયાનો એવોર્ડ પત્ની રતનબેન કનોડિયાએ એવોર્ડ સ્વીકાર્યો હતો, જ્યારે મહેશ કનોડિયાનો એવોર્ડ તેમના ભત્રીજા અને અભિનેતા હિતુ કનોડિયાએ સ્વીકાર્યો હતો.

આ સંદર્ભે વાત કરતા સ્વ. નરેશ કનોડિયાના પત્ની રતનબેન કનોડિયાએ ગુજરાતી મિડ-ડે ડૉટ કૉમને જણાવ્યું કે “આ ખૂબ જ ખુશીની વાત છે. બંને ભાઈઓના સંપૂર્ણ જીવનની મહેનતનું આ ફળ છે, પરંતુ દુ:ખ એ વાતનું છે કે જ્યારે બંને ભાઈઓ હયાત હતા, ત્યારે જો આ સન્માન મળ્યું હોત તો સારું હતું.”

કાકા મહેશ કનોડિયાનો એવોર્ડ સ્વીકારનાર હિતું કનોડિયાએ ગુજરાતી મિડ-ડે ડૉટ કૉમને જણાવ્યું કે “આ પ્રતિષ્ઠિત એવોર્ડ સ્વીકારવાની અનુભૂતિ અદ્ભુત છે. સંપૂર્ણ પરિવાર, સમાજ અને દુનિયાભરમાં વસવાટ કરતાં ગુજરાતીઓએ અઢળક શુભેચ્છાઓ અને અભિનંદન અમને પાઠવ્યા છે.” સ્વ. પિતા નરેશ કનોડિયા અને કાકા મહેશ કનોડિયાને યાદ કરતાં તેમણે ઉમેર્યું કે “જે લોકો માટે આ થઈ રહ્યું છે, જો એ લોકો પણ સાથે હોત તો વધુ સારું લાગત, પરંતુ હું માનું છું કે તેઓ જ્યાં પણ હશે ત્યાં ખુશ હશે.”

નરેશ કનોડિયાએ 300થી વધુ ફિલ્મોમાં તેમના યોગદાન અને ભૂમિકા માટે વર્ષ ૨૦૧૨માં દાદા સાહેબ ફાળકે એવોર્ડથી પણ નવાજવામાં આવ્યા હતા. દરમિયાન, મહેશ 32 અલગ-અલગ અવાજોમાં ગાઈ શકતા હતા અને 20થી વધુ ભાષાઓ જાણતા હતા.

ઉલ્લેખનીય છે કે ગુજરાતી ફિલ્મ ઈન્ડસ્ટ્રીમાં ‘નરેશ-મહેશની જોડી’ પ્રખ્યાત છે. બંને ભાઈઓ એકસાથે ગાતા હતા – અને કમનસીબે લગભગ સમાનકાળે મૃત્યુ પામ્યા હતા. મહેશ કનોડિયાના 25 ઑક્ટોબર, 2020ના રોજ લાંબી માંદગી બાદ અવસાન બાદ બે દિવસ પછી નરેશ કનોડિયાનું 27 ઑક્ટોબરની સવારે કોવિડ-19 થી અવસાન થયું હતું.

10 November, 2021 08:29 PM IST | Mumbai | Karan Negandhi

અન્ય લેખો

ઢોલીવૂડ સમાચાર

પ્રખ્યાત ગુજરાતી ભજન હરી તું નું જગદીશ ઇટાલિયા દ્વારા રીમેક વર્જન રજૂ કરાયું

અગાઉ જગદીશ ઇટાલિયાના કંઠે ગવાયેલું આંખનો અફિણી વિડીયો સોંગ કે જેને 80 લાખથી વધુ વ્યૂઝ મળી ચૂક્યા છે, વાલમ આવો ને 20 લાખથી વધુ વ્યૂઝ સાથે ગુજરાતીઓની  પસંદને પામ્યા છ

18 January, 2022 07:22 IST | Surat | Partnered Content
ઢોલીવૂડ સમાચાર

Utttaran: ગુજરાતી સિતારાઓએ આ રીતે ઉજવ્યો પતંગોત્સવનો તહેવાર,જુઓ કોણે શું કર્યું?

પતંગોત્સવ માત્ર ગુજરાતીઓ જ નહીં પણ ગુજરાતી સિતારાઓ પણ ઉજવે છે. ત્યારે જાણો કયા ઢોલીવૂડ સિતારાઓ કેવી રીતે ઉજવ્યો આ નવા વર્ષનો પહેલો પર્વ.

14 January, 2022 09:47 IST | Mumbai | Shilpa Bhanushali
ઢોલીવૂડ સમાચાર

21મું ટિફિન ફેમ અભિનેત્રી નીલમ પાંચાલ કોરોના સંક્રમિત, શૅર કરી આ રસપ્રદ રીલ

21મું ટિફિન અને હેલ્લારો ફેમ અભિનેત્રી નીલમ પંચાલ કોરોના સંક્રમિત થઈ છે આ વાતની માહિતી તેમણે પોતે પોતાના ઇન્સ્ટાગ્રામ અકાઉન્ટ પરથી રીલ પોસ્ટ શૅર કરીને આપી છે.

10 January, 2022 11:21 IST | Mumbai | Shilpa Bhanushali

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK