જપાનને મળ્યાં પહેલવહેલાં પ્રથમ મહિલા વડાં પ્રધાન
સનાએ તાકાઇચી
જપાનની લિબરલ ડેમોક્રૅટિક પાર્ટીનાં અધ્યક્ષ સનાએ તાકાઇચીને ગઈ કાલે જપાનની સંસદે વડાં પ્રધાન તરીકે પસંદ કરી લીધાં હતાં. લિબરલ ડેમોક્રૅટિક પાર્ટીએ એક દિવસ પહેલાં જ જપાન ઇનોવેશન પાર્ટી સાથે ગઠબંધન કરી લેતાં સનાએ તાકાઇચીનો વડા પ્રધાનપદનો રસ્તો બન્યો હતો. એક દક્ષિણપંથી મહિલાનું વડા પ્રધાનપદે ચૂંટાવું એ જપાનમાં ઐતિહાસિક છે. વડા પ્રધાન નરેન્દ્ર મોદીએ પણ તેમને સોશ્યલ મીડિયા પર શુભેચ્છા આપી હતી.
સનાએ તાકાઇચીએ ગઈ કાલે વડા પ્રધાન બન્યા પછીની પહેલી જ સ્પીચમાં કહ્યું હતું કે ‘હું કામ, કામ અને કામ કરીશ અને બીજા બધાને પણ કામ કરવા કહીશ. હું પોતે વર્ક-લાઇફ બૅલૅન્સના વિચારમાં નથી માનતી.’
