Marathi Hindi Row: ત્રિભાષા સૂત્ર પર અંતિમ નિર્ણય લેતા પહેલા બધા પક્ષો સાથે ચર્ચા કરવામાં આવશે. મુખ્યમંત્રી ફડણવીસે કહ્યું કે, મરાઠી વિદ્યાર્થીઓના હિતોની રક્ષા માટે સંપૂર્ણ પ્રક્રિયા વિચારપૂર્વક હશે.
દેવેન્દ્ર ફડણવીસ (ફાઈલ તસવીર)
Marathi Hindi Row: ત્રિભાષા સૂત્ર પર અંતિમ નિર્ણય લેતા પહેલા બધા પક્ષો સાથે ચર્ચા કરવામાં આવશે. મુખ્યમંત્રી ફડણવીસે કહ્યું કે, મરાઠી વિદ્યાર્થીઓના હિતોની રક્ષા માટે સંપૂર્ણ પ્રક્રિયા વિચારપૂર્વક હશે.
Devendra Fadnavis on Hindi Marathi Row: મહારાષ્ટ્રના મુખ્યમંત્રી દેવેન્દ્ર ફડણવીસે ચાલુ મરાઠી-હિન્દી વિવાદમાં મોટું નિવેદન આપ્યું છે. તેમણે સ્પષ્ટ કર્યું છે કે ત્રિભાષા સૂત્રને લઈને અંતિમ નિર્ણય બધા સંબંધિત પક્ષ સાથે ચર્ચા બાદ જ લેવામાં આવશે.
ADVERTISEMENT
સોમવાર (23 જૂન) રાતે મુખ્યમંત્રીના નિવાસ `વર્ષા` પર આયોજિત એક મહત્ત્વપૂર્ણ બેઠકમાં આ વાત સામે આવી. બેઠકમાં ઉપમુખ્યમંત્રી એકનાથ શિંદે, શાળાકીય શિક્ષણ મંત્રી દાદા ભુસે, રાજ્ય મંત્રી ડૉ. પંકજ ભોયર અને શિક્ષા વિભાગના વરિષ્ઠ અધિકારી સામેલ હતા.
બેઠકમાં લેવાયેલા મહત્વપૂર્ણ નિર્ણયો
બેઠકમાં આ મુદ્દા પર વિગતવાર ચર્ચા કરવામાં આવી હતી. એવું નક્કી કરવામાં આવ્યું હતું કે વિવિધ રાજ્યોની પરિસ્થિતિ બધા સમક્ષ મૂકવામાં આવે, નવી શૈક્ષણિક નીતિ હેઠળ મરાઠી વિદ્યાર્થીઓને એકેડેમિક બૅન્ક ઑફ ક્રેડિટના સંદર્ભમાં કોઈ નુકસાન ન થાય તે ધ્યાનમાં લેવામાં આવે અને તમામ શક્ય વિકલ્પો આગળ લાવવામાં આવે.
મુખ્યમંત્રીએ બેઠકમાં એ પણ સ્પષ્ટ કર્યું કે મરાઠી ભાષાના નિષ્ણાતો, સાહિત્યકારો, શિક્ષણવિદો અને રાજકારણીઓ સાથે આ મુદ્દા પર વ્યાપક વાતચીત કરવામાં આવશે. આ માટે, એક વ્યાપક પ્રેઝન્ટેશન તૈયાર કરવામાં આવશે, જેથી તમામ પક્ષોને નીતિનું વાસ્તવિક સ્વરૂપ સમજાવી શકાય. આ પરામર્શ પ્રક્રિયા પૂર્ણ થયા પછી જ અંતિમ નિર્ણય લેવામાં આવશે. શાળા શિક્ષણ મંત્રી દાદા ભૂસે આ સંવાદ પ્રક્રિયા ઔપચારિક રીતે શરૂ કરશે.
મુખ્યમંત્રીના સચિવ શ્રીકર પરદેશી, નાયબ મુખ્યમંત્રીના અધિક મુખ્ય સચિવ અસીમ કુમાર ગુપ્તા, મુખ્ય સચિવ નવીન સોના, શાળા શિક્ષણ વિભાગના વડા રણજીત સિંહ દેઓલ, શિક્ષણ કમિશનર સચિન્દ્ર પ્રતાપ સિંહ અને શૈક્ષણિક સુધારણા પરિષદના નિયામક રાહુલ રેખાવર પણ બેઠકમાં હાજર રહ્યા હતા.
મરાઠી ભાષા ફરજિયાત છે, હિન્દી નહીં - શેલાર
તમને જણાવી દઈએ કે રાજ્યના સાંસ્કૃતિક બાબતોના મંત્રી આશિષ શેલારે ભાષા વિવાદ પર પોતાનું વલણ સ્પષ્ટ કર્યું છે. તેમણે કહ્યું કે મહારાષ્ટ્રમાં હિન્દી નહીં, ફક્ત મરાઠી ભાષા ફરજિયાત બનાવવામાં આવી છે. તેમણે કહ્યું કે શાળાઓમાં ત્રીજી ભાષાનો વિવાદ "અયોગ્ય અને અતાર્કિક" છે. શેલારે કહ્યું કે ધોરણ 1 થી 5 સુધી હિન્દી ફરજિયાત બનાવવામાં આવી નથી અને ધોરણ 5 થી 8 સુધી તેને વૈકલ્પિક રાખવામાં આવી છે.
નોંધનીય છે કે, સ્કૂલમાં ત્રીજી ભાષા તરીકે હિન્દી ફરજિયાત કરવાના મુદ્દે હોબાળો મચ્યા બાદ ગઈ કાલે મોડી રાતે મુખ્ય પ્રધાન દેવેન્દ્ર ફડણવીસના ‘વર્ષા’ બંગલા પર એક બેઠકનું આયોજન કરવામાં આવ્યું હતું જેમાં ડેપ્યુટી ચીફ મિનિસ્ટર એકનાથ શિંદે, એજ્યુકેશન મિનિસ્ટર દાદાસાહેબ ભુસે, રાજ્ય મંત્રી ડૉ. પંકજ ભોયર અને એજ્યુકેશન ડિપાર્ટમેન્ટના ઉચ્ચ અધિકારીઓ હાજર રહ્યા હતા. બેઠકમાં ચર્ચા થયા બાદ એવો નિર્ણય લેવાયો છે કે આ સંદર્ભે બીજા વિકલ્પો પર પણ વિચાર કરવામાં આવે. એ સિવાય મરાઠી ભાષાના વિદ્વાન, સાહિત્યકાર, રાજકીય નેતા અને અન્યો સામે આ પ્રસ્તાવ મૂકી તેમની સાથે સલાહ-મસલત કરવામાં આવે અને એ પછી એના પર અંતિમ નિર્ણય લેવામાં આવે.
