૪ આરોપીઓની પૂછપરછમાં નાલાસોપારા પાસે પેલ્હારમાં એક ફૅક્ટરીમાં એ ડ્રગ બનતું હોવાની માહિતી મળી હતી
૫૭.૮૪ ગ્રામ મેફેડ્રોન (MD) જપ્ત કર્યું હતું
મુંબઈ પોલીસની ઝોન ૬ની દેવનાર પોલીસની ટીમે પાંચમી ઑક્ટોબરે એક માણસને ઝડપીને તેની પાસેથી ૫૭.૮૪ ગ્રામ મેફેડ્રોન (MD) જપ્ત કર્યું હતું. એ પછી તે આરોપીની પૂછપરછમાં મળેલી માહિતીના આધારે અન્ય ૪ આરોપીઓને મીરા રોડમાંથી ઝડપી લેવાયા હતા. એ ૪ આરોપીઓની પૂછપરછમાં નાલાસોપારા પાસે પેલ્હારમાં એક ફૅક્ટરીમાં એ ડ્રગ બનતું હોવાની માહિતી મળી હતી. એથી ગઈ કાલે પેલ્હારની એ ફૅક્ટરી પર દરોડો પાડવામાં આવ્યો હતો. ત્યાંથી ૬૬૭૫ ગ્રામ MD ડ્રગ અને એ બનાવવા માટેનો કાચો માલ અને પ્લાન્ટ મશીનરી એમ કુલ મળીને ૧૩.૩૮ કરોડ રૂપિયાની મતા જપ્ત કરવામાં આવી હતી. એ ડ્રગ બનાવનાર અન્ય એક આરોપીને પણ ઝડપી લેવામાં આવ્યો હતો.
