° °

આજનું ઇ-પેપર
Sunday, 28 November, 2021


પરિવારને કાશ્મીર લઈ જઈને ડ્રગ્સની તસ્કરી કરતો રીઢો ડ્રગ પેડલર પકડાયો

27 October, 2021 01:27 PM IST | Mumbai | Gujarati Mid-day Correspondent

તેની કારના અને ડિકીના દરવાજાના પોલાણમાંથી ૧૪.૪૪ કરોડ રૂપિયાનું હાઈ ક્વૉલિટીનું ચરસ છુપાવેલું મળી આવ્યું

પ્રતીકાત્મક તસવીર

પ્રતીકાત્મક તસવીર

મુંબઈ પોલીસની ક્રાઇમ બ્રાન્ચના યુનિટ-૬ ચેમ્બુર અને યુનિટ ૭ ઘાટકોપરને માહિતી મળી હતી કે બહારગામથી ડ્રગ્સનું મોટું કન્સાઇનમેન્ટ આવવાનું છે. એથી પોલીસે દહિસર ચેકનાકા પાસે વૉચ ગોઠવી હતી.. સોમવારે સવારે ૧૦.૧૦ વાગ્યે સૅન્ટ્રો કાર રોકીને તલાશી લેવામાં આવી હતી. એ કારમાં ૫૨ વર્ષનો બંડુ દગડુ ઉડાનશિવે, તેની બાવન વર્ષની પત્ની ક્લેરા, ૨૩ વર્ષની દીકરી સિન્થિયા અને ૨૪ વર્ષનો જસ્સર જહાંગીર શેખ હતાં. તે તમામને ઝડપી લેવાયાં હતાં.

કારની તલાશી લેતાં એના દરવાજાના અને ડિકીના દરવાજાના પોલાણમાં ૧૪.૪૪ કરોડ રૂપિયાનું હાઈ ક્વૉલિટીનું ચરસ છુપાવેલું મળી આવ્યું હતું. આ કેસ વિશે વધુ માહિતી આપતાં ડીસીપી ડિટેક્શન દત્તા નલાવડેએ કહ્યું હતું કે ‘બંડુ ઉડાનશિવે પત્ની સાથે પવઈમાં રહે છે. પોલીસની નજરથી છટકવા તે પરિવાર સાથે કાશ્મીર ફરવા જતો અને ત્યાંથી ડ્રગ લાવીને વેચતો હતો. પત્ની અને દીકરી સાથે હોવાથી સામાન્યપણે કોઈ તેના પર શંકા કરતું નહીં. એ લોકો અહીંથી નીકળ્યા બાદ તેમના મોબાઇલ ફોન સ્વિચ્ડ-ઑફ કરી દેતા હતા જેથી તેમના લોકેશનની કોઈને જાણ થાય નહીં. બંડુ આ પહેલાં ૨૦૧૦માં પણ ડ્રગના કેસમાં પકડાયો હતો. એ વખતે તેની પાસેથી ૩૯ કિલો ચરસ મળી આવ્યું હતું. એ કેસમાં ઓછામાં ઓછા ૬ જણની ધરપકડ થઈ હતી. એમાં કેટલાક લોકો કાશ્મીરના અનંતનાગ જિલ્લાના પણ હતા.’

27 October, 2021 01:27 PM IST | Mumbai | Gujarati Mid-day Correspondent

અન્ય લેખો

મુંબઈ સમાચાર

હંસા હેરિટેજ સોસાયટીના હોદ્દેદારોએ પણ કરી આગોતરા જામીનની અરજી

કાંદિવલી પોલીસ સ્ટેશનના સિનિયર પોલીસ ઇન્સ્પેક્ટર બાબાસાહેબ સાળુંખેએ કહ્યું છે કે કોર્ટ હવે બિલ્ડર અને સોસાયટીના હોદ્દેદારોની આગોતરા જામીનની અરજી પર સોમવારે સુનાવણી કરવાની છે.

28 November, 2021 03:12 IST | Mumbai | Gujarati Mid-day Correspondent
મુંબઈ સમાચાર

ઑર્ગન ડોનેશનને પણ નડ્યો કોરોના

કોવિડને લીધે ડોનેટ કરાયેલાં સ્કિન-આંખ ન મેળવી શકાયાં : મહારાષ્ટ્રમાં વિવિધ અવયવોની ૬૭૪૮ જરૂરિયાત સામે જૂજ ડોનર હોવાથી નૅશનલ ઑર્ગન ડોનેટ ડેએ લોકોને મુંબઈની સુધરાઈએ કરી અપીલ

28 November, 2021 03:08 IST | Mumbai | Gujarati Mid-day Correspondent
મુંબઈ સમાચાર

‘મિડ-ડે’ના અહેવાલ પછી આખરે મુલુંડ પોલીસે સાઇકલ-ચોરીની ફરિયાદ નોંધી

આસપાસના વિસ્તારમાં શોધ્યા પછી પણ સાઇકલનો પત્તો ન લાગતાં તે મુલુંડ પોલીસ સ્ટેશનમાં સાઇકલ ચોરાઈ હોવાની ફરિયાદ કરવા ગયો હતો. ત્યારે ત્યાં હાજર ઑફિસરે તેને કહ્યું હતું કે સાઇકલ-ચોરીની ફરિયાદ અમે નોંધતા નથી.

28 November, 2021 03:03 IST | Mumbai | Mehul Jethva

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK