એર ઇન્ડિયાની ફ્લાઇટમાં વણનોતર્યા મહેમાન! સાન ફ્રાન્સિસ્કો-મુંબઈ ફ્લાઇટમાં મુસાફરો મુશ્કેલીમાં

Passengers spotted cockroaches in Air India’s Flight: સાન ફ્રાન્સિસ્કોથી મુંબઈ જઈ રહેલી એર ઈન્ડિયાની ફ્લાઈટ AI180 માં વાંદો દેખાતા મુસાફરો ચોંકી ગયા હતા

પ્રતીકાત્મક ફાઇલ તસવીર

એર ઇન્ડિયા (Air India)ની ફ્લાઇટમાં વધુ એક નવી મુસીબત આવી છે. અમેરિકા (America)ના સાન ફ્રાન્સિસ્કો (San Francisco)થી મુંબઈ (Mumbai) જઈ રહેલી એર ઈન્ડિયાની ફ્લાઈટમાં અચાનક વાંદા દેખાયા ત્યારે હંગામો મચી ગયો. ફ્લાઈટમાં મુસાફરી કરી રહેલા બે મુસાફરોએ વાંદા જોયા, જેના કારણે તેમને બીજી સીટ પર શિફ્ટ કરવામાં આવ્યા.

એર ઈન્ડિયાની ફ્લાઈટ AI180 સાન ફ્રાન્સિસ્કોથી કોલકાતા (Kolkata) થઈને મુંબઈ જઈ રહી હતી. ફ્લાઈટ મુંબઈ પહોંચી ન હતી ત્યારે બે મુસાફરોએ ફ્લાઈટમાં વાંદા જોયા. તેમણે તાત્કાલિક કેબિન ક્રૂને આ અંગે જાણ કરી, ત્યારબાદ તેમને બીજી સીટ પર બેસાડવામાં આવ્યા જેથી મુસાફરી દરમિયાન તેમને કોઈ મુશ્કેલી ન પડે.

ADVERTISEMENT

એર ઇન્ડિયાએ એક નિવેદન જારી કરીને આ ઘટનાને દુર્ભાગ્યપૂર્ણ ગણાવી છે. કોલકાતામાં રિફ્યુઅલિંગ દરમિયાન ફ્લાઇટને સાફ કરવામાં આવી હતી. મુસાફરોને એક જ કેબિનમાં અન્ય સીટો પર બેસાડવામાં આવ્યા હતા જેથી તેમને કોઈ અસુવિધા ન થાય.

એર ઇન્ડિયાના જણાવ્યા અનુસાર, જ્યારે ફ્લાઇટ કોલકાતામાં ઇંધણ ભરવા માટે રોકાઈ ત્યારે ગ્રાઉન્ડ ક્રૂએ ફ્લાઇટની ઊંડી સફાઈ કરી. ફ્લાઇટ સમયસર મુંબઈ માટે રવાના થઈ.

એર ઇન્ડિયાએ કહ્યું, ‘મુસાફરોને થયેલી અસુવિધા બદલ અમે માફી માંગીએ છીએ. રોજિંદા સફાઈ છતાં, ક્યારેક જંતુઓ વિમાનમાં ઘૂસી જાય છે. વાંદો ફ્લાઇટમાં કેવી રીતે ઘૂસી ગયો? તેની તપાસ કરવામાં આવી રહી છે.’

બીજી એક ઘટનામાં, એર ઇન્ડિયાની ફ્લાઇટ AI349, જે 3 ઓગસ્ટના રોજ સિંગાપોર (Singapore)થી ચેન્નાઈ (Chennai) જવાની હતી તે રદ કરવામાં આવી હતી. પ્રસ્થાન પહેલાં જાળવણી કાર્ય દરમિયાન જાણવા મળ્યું કે, તેમા સુધારો કરવા માટે વધારાના સમયની જરૂર હતી અને તેના કારણે ફ્લાઇટ રદ કરવામાં આવી હતી, એમ એરલાઇને એક નિવેદનમાં જણાવ્યું હતું. આ અણધાર્યા વિક્ષેપને કારણે મુસાફરોને થતી "અસુવિધા ઓછી કરવા માટે દરેક શક્ય પ્રયાસો" કરવામાં આવી રહ્યા છે, એમ તેણે જણાવ્યું હતું. મુસાફરોને વહેલી તકે ચેન્નાઈ પહોંચાડવાની વ્યવસ્થા કરવામાં આવી હતી, એમ તેણે જણાવ્યું હતું.

તે જ દિવસે, એર ઇન્ડિયાની ફ્લાઇટ AI500 માં ભુવનેશ્વર (Bhubaneswar)થી નવી દિલ્હી (New Delhi) જનારા મુસાફરોને અણધારી અવરોધોનો સામનો કરવો પડ્યો કારણ કે એરલાઇન્સે ટેકનિકલ સમસ્યાને કારણે સેવા રદ કરી દીધી હતી. એરલાઇને રદ કરવા પાછળનું કારણ જમીન પર અસામાન્ય કેબિન તાપમાન ગણાવ્યું. એક સત્તાવાર નિવેદનમાં, એર ઇન્ડિયાના પ્રવક્તાએ જણાવ્યું હતું કે, ‘3 ઓગસ્ટના રોજ ભુવનેશ્વરથી દિલ્હી જતી ફ્લાઇટ AI500, ટેકનિકલ સમસ્યાને કારણે રદ કરવામાં આવી છે, જેના કારણે પ્રસ્થાન પહેલાં જમીન પર કેબિનનું તાપમાન ઊંચું હતું.’

એર ઇન્ડિયાની ફ્લાઇટમાં એક પછી એક નવા દિવસે નવી મુસીબત આવતી રહે છે.