મુંબઈ શહેર અને ઉપનગરના DEMAની સંયુક્ત બેઠકમાં આ નિર્દેશો આપવામાં આવ્યા હતા
પ્રતીકાત્મક તસવીર
ડિસ્ટ્રિક્ટ ઇમર્જન્સી મૅનેજમેન્ટ ઑથોરિટી (DEMA)એ મોનોરેલ અને મેટ્રોનું સંચાલન કરતી એજન્સીઓને ઇમર્જન્સી મૅનેજમેન્ટ પ્લાન સબમિટ કરવાનો નિર્દેશ આપ્યો છે. પબ્લિક ટ્રાન્સપોર્ટમાં ઇમર્જન્સી દરમ્યાન અસરકારક પ્રતિભાવ આપી શકાય એ માટે આ પ્લાન મહત્ત્વનો છે. ઉપરાંત ઇમર્જન્સી રિસ્પૉન્સ માટેની સ્ટાન્ડર્ડ પ્રોસીજરનું સતત અવલોકન અને મૉક ડ્રિલ્સનું આયોજન કરવાનો નિર્દેશ પણ આપવામાં આવ્યો છે.
મુંબઈ શહેર અને ઉપનગરના DEMAની સંયુક્ત બેઠકમાં આ નિર્દેશો આપવામાં આવ્યા હતા. ૧૯ ઑગસ્ટે મોનોરેલ ટેક્નિકલ ખામીને કારણે અટવાઈ હતી જેને કારણે ઘણા મુસાફરોને હાલાકી થઈ હતી. આ બનાવના અનુસંધાનમાં આ બેઠક બોલાવવામાં આવી હતી.
