સોમવારે જ જાહેર થયું હતું કે ઇન્ટરનૅશનલ ચેસ ફેડરેશનના રેટિંગમાં સ્થાન ધરાવતો સૌથી નાનો ખેલાડી સર્વજ્ઞ સિંહ બન્યો છે
સર્વજ્ઞ સિંહ કુશવાહા
મધ્ય પ્રદેશના સાગર જિલ્લામાં રહેતા સર્વજ્ઞ સિંહ કુશવાહાએ સૌથી નાના આંતરરાષ્ટ્રીય ચેસ-ખેલાડીનો ખિતાબ હાંસલ કર્યો છે. તેની ઉંમર અત્યારે માત્ર ૩ વર્ષ ૭ મહિના ૨૦ દિવસની છે.
સોમવારે જ જાહેર થયું હતું કે ઇન્ટરનૅશનલ ચેસ ફેડરેશનના રેટિંગમાં સ્થાન ધરાવતો સૌથી નાનો ખેલાડી સર્વજ્ઞ સિંહ બન્યો છે. આ પહેલાં આ ખિતાબ પશ્ચિમ બંગાળના અનીશ સરકાર નામના બાળકના નામે હતો. તેણે ૩ વર્ષ ૮ મહિનાની ઉંમરે ઇન્ટરનૅશનલ ચેસ ફેડરેશનમાં સ્થાન મેળવ્યું હતું.
ADVERTISEMENT
સાગરે જસ્ટ અઢી વર્ષની ઉંમરથી ચેસ રમવાની શરૂઆત કરી દીધી હતી અને તે ઑનલાઇન રેટિંગ નોંધાવવા લાગ્યો હતો. એ પછીથી તેણે સ્વદેશ ચેસ ઍકૅડેમી અને ઑલિમ્પિયાડ સ્પોર્ટ્સમાં પણ નિયમિત ભાગ લીધો હતો. તેની મમ્મી નેહા સિંહનું કહેવું છે કે ‘દીકરાને મોબાઇલનું વળગણ ન લાગે એ માટે મારે તેને કોઈક સ્પોર્ટ્સમાં નાખવો હતો. તેને મેં તાએ ક્વાન ડો ચાઇનીઝ માર્શલ આર્ટ શીખવાના ક્લાસમાં મૂક્યો હતો. જોકે સર્વજ્ઞને એ ક્લાસની સામે આવેલી ચેસ ઍકૅડેમીનું આકર્ષણ થતું હતું. એક વાર ત્યાંના કોચે તેને બોર્ડ પર બોલાવીને પૂછ્યું કે તારે રમવું છે? તેણે હા પાડી અને મને થયું કે ચાલો એ શીખવીએ. થોડા જ દિવસમાં ચેસની સ્ટ્રૅટેજી બહુ સારી રીતે તેને સમજાવા લાગી અને તેણે ચેસની મૅચમાં ભાગ લઈને અસંભવ લાગે એવી ગેમ બતાવી. હવે સર્વજ્ઞનું આગામી લક્ષ્ય ઇન્ટરનૅશનલ ટુર્નામેન્ટમાં ભારત માટે રમવાનું છે.’
