ટીમ ઇન્ડિયાના તમામ સભ્યો એકસાથે બસમાં ડિનર-પાર્ટી માટે પહોંચ્યા ત્યારે ગંભીર, તેની પત્ની નતાશા જૈન અને બન્ને દીકરીઓ તેમના સ્વાગત માટે ઘરની બહાર હાજર રહ્યાં હતાં
ટીમ ઇન્ડિયાનું પોતાના ઘરે સ્વાગત કરી રહેલાે ગૌતમ ગંભીર બન્ને દીકરીઓ અને પત્ની નતાશા સાથે
ભારતીય ટીમના હેડ કોચ ગૌતમ ગંભીરે રવિવારે રાતે સપોર્ટ-સ્ટાફ અને પ્લેયર્સ માટે પોતાના ઘરે સ્પેશ્યલ ડિનરનું આયોજન કર્યું હતું. વૉશિંગ્ટન સુંદર સિવાય આ ડિનર-પાર્ટીમાં તમામ સભ્યો હાજર રહ્યા હતા.
ADVERTISEMENT
નતાશા જૈન સાથે સૂર્યકુમાર યાદવ
ટીમ ઇન્ડિયાના તમામ સભ્યો એકસાથે બસમાં ડિનર-પાર્ટી માટે પહોંચ્યા ત્યારે ગંભીર, તેની પત્ની નતાશા જૈન અને બન્ને દીકરીઓ તેમના સ્વાગત માટે ઘરની બહાર હાજર રહ્યાં હતાં. ક્રિકેટ બોર્ડના વાઇસ-પ્રેસિડન્ટ રાજીવ શુક્લાએ પણ આ ડિનર-પાર્ટીમાં હાજરી આપી હતી.
કુલદીપ યાદવ અને અભિષેક શર્મા
બીમાર અભિષેક શર્મા આ ડિનર-પાર્ટી દરમ્યાન ચર્ચામાં રહ્યો હતો. ઘરમાં એન્ટ્રી પહેલાં ગૌતમ ગંભીર તેને આરામથી પહેલાં ડિનર લઈ લેવાનું સૂચન કરતો જોવા મળ્યો હતો. ખરાબ તબિયતના અહેવાલો વચ્ચે ગૌતમ ગંભીરના ઘરે ટીમ ડિનર-પાર્ટીમાંથી તે સૌથી પહેલાં નીકળી ગયો હતો. અભિષેક અન્ય સપોર્ટ-સ્ટાફના સભ્ય સાથે અલગથી કારમાં જતો જોવા મળ્યો હતો જ્યારે ટીમના બાકીના સભ્યો અને કોચિંગ-સ્ટાફ મોડી રાતે ટીમ-બસમાં એકસાથે જ હોટેલ જવા રવાના થયા હતા.
