ઓપનર તરીકે ફાસ્ટેસ્ટ ૧૦ હજાર રન વન-ડેમાં ફટકાર્યા
રોહિત શર્મા
શનિવારે વેસ્ટ ઇન્ડીઝ સામે ૯૨ રન ફટકારીને રોહિત શર્મા સદી ચૂકી ગયો હતો. રોહિત શર્મા છેલ્લે માર્ચ ૨૦૧૯માં ઑસ્ટ્રેલિયા સામેની વન-ડેમાં નર્વસ નાઇન્ટીનો શિકાર બન્યો હતો.
રોહિત શર્માએ ઓપનર તરીકે સૌથી ઓછી ઇનિંગ્સમાં ૧૦,૦૦૦ વન-ડે રન પૂરા કરવાનો સચિન તેન્ડુલકરનો ૨૨ વર્ષ જૂનો વિશ્વ વિક્રમ તોડ્યો છે. રોહિત શર્માએ માત્ર ૨૦૨ ઇનિંગ્સમાં ૧૦,૦૦૦ રનનો આંકડો પાર કર્યો, જે સચિન તેન્ડુલકર કરતાં ૧૨ ઇનિંગ્સ ઓછી છે. સચિને ૨૦૦૪માં બ્રિસ્બૅન ખાતે ઑસ્ટ્રેલિયા સામે ૨૧૪ ઇનિંગ્સમાં આ સિદ્ધિ હાંસલ કરી હતી.
ADVERTISEMENT
રોહિત ઓપનર તરીકે ૧૦,૦૦૦ રન બનાવનાર ચોથો ખેલાડી બન્યો છે. વેસ્ટ ઇન્ડીઝના ક્રિસ ગેઇલ અને શ્રીલંકાના સનથ જયસૂર્યાનો પણ આ લિસ્ટમાં સમાવેશ થાય છે. આ સિદ્ધિ હાંસલ કરવા માટે રોહિત શર્માને માત્ર બે રનની જરૂર હતી.
100
આટલી ઇન્ટરનૅશનલ સિક્સ વેસ્ટ ઇન્ડીઝ ટીમ સામે ફટકારનાર પહેલો બૅટર બન્યો રોહિત શર્મા.
2
આટલી ઇન્ટરનૅશનલ ટીમો સામે ૧૦૦ સિક્સ ફટકારનાર પહેલો બૅટર બન્યો રોહિત શર્મા. તેણે ઑસ્ટ્રેલિયા સામે હાઇએસ્ટ ૧૩૮ સિક્સ મારી છે.
