એ પછી ફરી ૩૫ દિવસના બ્રેક બાદ ન્યુ ઝીલૅન્ડ સામે રમતા જોવા મળી શકે
રોહિત શર્મા અને વિરાટ કોહલી
એ પછી ફરી ૩૫ દિવસના બ્રેક બાદ ન્યુ ઝીલૅન્ડ સામે રમતા જોવા મળી શકે : વન-ડે ફૉર્મેટ જ રમતા હોવાથી ફૉર્મ જાળવી રાખવાનો મોટો પડકાર રહેશે
ઇન્ટરનૅશનલ ક્રિકેટમાં હવે માત્ર વન-ડે ફૉર્મેટ રમતા રોહિત શર્મા અને વિરાટ કોહલી હવે એક મહિનાના બ્રેક બાદ ઘરઆંગણે મેદાન પર રમતા જોવા મળશે. ઑસ્ટ્રેલિયાની ટૂર બાદ હવે ઘરઆંગણાની સાઉથ આફ્રિકા સામેની વન-ડે સિરીઝ ઑલમોસ્ટ ૩૫ દિવસ બાદ શરૂ થશે. આ સિરીઝ સમાપ્ત થયા બાદ ભારતની આગામી વન-ડે સિરીઝ જાન્યુઆરી ૨૦૨૬માં ન્યુ ઝીલૅન્ડ સામે છે. આ બન્ને સિરીઝ વચ્ચે પણ ૩૫ દિવસનો બ્રેક છે.
ADVERTISEMENT
ઑસ્ટ્રેલિયાની ટૂરની શરૂઆતમાં લાંબા બ્રેક બાદ રમી રહ્યા હોવાથી બન્ને સ્ટાર ક્રિકેટરને લય જાળવી રાખવામાં મુશ્કેલી થઈ હતી. ઘરઆંગણાની આગામી બે વન-ડે સિરીઝમાં ૩૫-૩૫ દિવસના બ્રેકને કારણે બન્ને સામે પોતાનું ફૉર્મ જાળવી રાખવાનો પડકાર રહેશે. ભારતના વન-ડે કૅપ્ટન શુભમન ગિલે પ્રેસ-કૉન્ફરન્સમાં કહ્યું હતું કે સાઉથ આફ્રિકા સામેની વન-ડે સિરીઝ સમાપ્ત થાય પછી તે બન્ને કેવી રીતે પોતાનો લય જાળવશે એ અંગે ચર્ચા કરીને નિર્ણય લઈશું. આનો અર્થ એ થયો કે રોહિત અને કોહલી ફૉર્મ જાળવી રાખવા સાઉથ આફ્રિકા અને ન્યુ ઝીલેન્ડ સિરીઝ વચ્ચે અનુક્રમે મુંબઈ અને દિલ્હી માટે વિજય હઝારે ટ્રોફીની ગ્રુપ-સ્ટેજની ૭ મૅચમાં રમી શકે છે.
રોહિત શર્મા અને વિરાટ કોહલીનું સંભવિત ક્રિકેટ શેડ્યુલ
ભારત vs સાઉથ આફ્રિકા (૩ મૅચ) - ૩૦ નવેમ્બરથી ૬ ડિસેમ્બર
વિજય હઝારે ટ્રોફી (૭ મૅચ) - ૨૪ ડિસેમ્બરથી ૮ જાન્યુઆરી
ભારત vs ન્યુ ઝીલૅન્ડ (૩ મૅચ) - ૧૧ જાન્યુઆરીથી ૧૮ જાન્યુઆરી
