પુષ્ય નક્ષત્ર દિવાળી અને ધનતેરસ પહેલા આવે છે. આ સમય દરમિયાન ખરીદી અત્યંત શુભ માનવામાં આવે છે. એવું માનવામાં આવે છે કે આ દેવી લક્ષ્મીને પ્રસન્ન કરે છે. ઘણા પરિવારો આ સમય દરમિયાન ખરીદી કરીને દિવાળીની તૈયારીઓ શરૂ કરે છે.
દિવાળી 2025 (પ્રતીકાત્મક તસવીર)
પુષ્ય નક્ષત્રને નક્ષત્રોના રાજા કહેવામાં આવે છે, અને જ્યારે આ નક્ષત્ર દિવાળી પહેલા આવે છે, તો આને ધન, સમૃદ્ધિ અને સ્થાયિત્વ માટે સર્વશ્રેષ્ઠ માનવામાં આવે છે. દિવાળી પહેલા આવનાર પુષ્ય નક્ષત્ર 2025માં 14 અને 15 ઑક્ટોબર બન્ને દિવસે રહેશે, જે ખરીદી કરવા માટે અને શુભ કાર્ય કરવા માટે ખૂબ જ શુભ સંયોગ બનાવી રહ્યો છે.
તમારી રાશિ અનુસાર ખરીદી કરશો તો મળશે અગણિત ફાયદા
હિંદુ જ્યોતિષ શાસ્ત્રમાં પુષ્ય નક્ષત્રનું મહત્વ ખૂબ ખાશ છે. આ નક્ષત્ર “પુષ્ય” એટલે માતાનું પોષણ અને સમૃદ્ધિ દર્શાવે છે. પુષ્ય નક્ષત્ર અત્યંત શુભ નક્ષત્ર માનવામાં આવે છે. આ દિવસે કરેલા તમામ શુભ કાર્યો, જેમ કે ઘર ખરીદી, જમીન કે દુકાન ખરીદવી, લગ્ન માટે તૈયારી, અથવા નવા વ્યવસાય શરૂ કરવો, લાભદાયી ગણાય છે. આ નક્ષત્રમાં શરૂ કરેલી યાત્રા, પ્રાર્થના અથવા ધનરાશિ સંબંધિત કાર્યો પણ લાંબા ગાળાના ફાયદા આપે છે.
ADVERTISEMENT
આ પુષ્ય નક્ષત્ર બે દિવસ 14 અને 15 ઓક્ટોબર સુધી ચાલશે
પુષ્ય નક્ષત્રનો યોગ 14 ઓક્ટોબરના રોજ સવારે 11.54 વાગ્યાથી 15 ઓક્ટોબરના રોજ સવારે 11.59 વાગ્યા સુધી રહેશે.
જ્યોતિષના દૃષ્ટિકોણથી, પુષ્ય નક્ષત્ર સિંહ, કન્યા, અને વૃષભ રાશિના લોકો માટે ખાસ લાભદાયી છે.
મેષ - ચાંદીના દાગીના કે વાસણો ખરીદવા
વૃષભ - હીરા જડેલા દાગીના કે ચાંદી
મિથુન - કાંસાના વાસણો
કર્ક રાશિ - લક્ષ્મી-ગણેશની ચાંદીની મૂર્તિઓ કે ચાંદીનું શ્રાીયંત્ર
સિંહ - શુભ રત્ન માણેક
કન્યા - કાંસાના વાસણો કે ફૂલના કુંડા ખરીદવા
તુલા - ચાંદીના દાગીના
વૃશ્ચિક - ચાંદી કે ચાંદીના દાગીના ખરીદવા
ધનુ - સોનાના દાગીના કે પિત્તળના વાસણો
મકર- સ્ટીલના વાસણો કે વાહનોની ખરીદી
કુંભ -સ્ટીલના અથવા ચાંદીના વાસણો ખરીદવા શુભ
મીન - સોના કે પિત્તળની વસ્તુઓ ખરીદવી
આ વખતે, પુષ્ય નક્ષત્ર 24 કલાકથી વધુ ચાલશે, જેનાથી ભક્તોને શુભ ખરીદી અને અન્ય પ્રવૃત્તિઓ માટે પૂરતો સમય મળશે. દિવાળીનો મુખ્ય તહેવાર 20 ઓક્ટોબર, 2025 ના રોજ ઉજવવામાં આવશે, જ્યારે ધનતેરસ 18 ઓક્ટોબર, 2025 ના રોજ છે. આ બે મુખ્ય તહેવારોના થોડા દિવસો પહેલા પુષ્ય નક્ષત્ર આવે છે.
જ્યોતિષશાસ્ત્રમાં, પુષ્ય નક્ષત્રનું ખૂબ મહત્વ છે અને તેને સૌથી શુભ નક્ષત્રોમાંનું એક માનવામાં આવે છે. તેનો અધિપતિ ગુરુ ભગવાન છે, જે જ્ઞાન, સંપત્તિ અને સૌભાગ્યનું પ્રતીક છે. માન્યતા અનુસાર, આ નક્ષત્ર દરમિયાન કરવામાં આવેલ કોઈપણ ધાર્મિક કાર્ય અથવા દાન અનેકગણું ફળ આપે છે. આ સમયગાળા દરમિયાન ભગવાન વિષ્ણુ, દેવી લક્ષ્મી અને ભગવાન શિવની પૂજા ખાસ કરીને ફાયદાકારક માનવામાં આવે છે.
મંગળ પુષ્ય (14 ઓક્ટોબર): પુષ્ય નક્ષત્ર મંગળવારે આવે છે, જેના કારણે તેને મંગળ પુષ્ય તરીકે ઓળખવામાં આવે છે. જમીન, મિલકત અને વાહનોની ખરીદી માટે આ યુતિ ખાસ કરીને શુભ માનવામાં આવે છે, કારણ કે મંગળ ગ્રહ જમીન પર શાસન કરે છે.
બુધ પુષ્ય (૧૫ ઓક્ટોબર): પુષ્ય નક્ષત્ર બુધવારે આવે છે, જેના કારણે તેને બુધ પુષ્ય તરીકે ઓળખવામાં આવે છે. આ દિવસ જ્ઞાન, શિક્ષણ, વ્યવસાય અને રોકાણ સંબંધિત પ્રવૃત્તિઓ માટે ખાસ ફળદાયી છે.
પુષ્ય નક્ષત્ર દરમિયાન ખરીદી: પુષ્ય નક્ષત્ર દરમિયાન સોનું, ચાંદી અને નવી વસ્તુઓ ખરીદવી અત્યંત શુભ માનવામાં આવે છે.
ખરીદી માટે આ સમય સૌથી શુભ
પુષ્ય નક્ષત્ર દરમિયાન સોનું, ચાંદી, વાહન અથવા જમીન સહિત કોઈપણ વસ્તુ ખરીદવી અત્યંત શુભ માનવામાં આવે છે. આનાથી દેવી લક્ષ્મી ઘરમાં પ્રવેશ કરે છે. ૧૪ ઓક્ટોબર, ૨૦૨૫ ના રોજ, પુષ્ય નક્ષત્ર દરમિયાન ખરીદી માટેનો સૌથી શુભ સમય સવારે ૧૧:૫૪ થી મધ્યરાત્રિ સુધીનો રહેશે. ૧૫ ઓક્ટોબર, બુધવારના રોજ, ખરીદી માટેનો શુભ સમય સવારે ૬:૨૨ થી બપોરે ૧૨ વાગ્યા સુધીનો રહેશે.
પુષ્ય નક્ષત્ર ધનતેરસ પહેલા આવે છે
પુષ્ય નક્ષત્ર દિવાળી અને ધનતેરસ પહેલા આવે છે. આ સમય દરમિયાન ખરીદી અત્યંત શુભ માનવામાં આવે છે. એવું માનવામાં આવે છે કે આ દેવી લક્ષ્મીને પ્રસન્ન કરે છે. ઘણા પરિવારો આ સમય દરમિયાન ખરીદી કરીને દિવાળીની તૈયારીઓ શરૂ કરે છે. એવું માનવામાં આવે છે કે આ દિવસે ખરીદેલી વસ્તુઓ ઘરમાં કાયમી સમૃદ્ધિ અને સૌભાગ્ય લાવે છે. એવું માનવામાં આવે છે કે દેવી લક્ષ્મીનો જન્મ આ નક્ષત્ર હેઠળ થયો હતો.
નોંધ: આ સમાચારમાં આપવામાં આવેલી માહિતી ધાર્મિક માન્યતાઓ અને સામાન્ય માહિતી પર આધારિત છે. ગુજરાતી મિડ-ડે ડૉટ કૉમ આની પુષ્ટિ કરતું નથી.
