તાલિબાની પ્રવક્તાએ કહ્યું કે આ હુમલાનો યોગ્ય સમયે જડબાતોડ જવાબ આપીશું
તસવીર સૌજન્યઃ એજન્સી
પાકિસ્તાને સોમવારે અડધી રાતે અફઘાનિસ્તાના ત્રણ પ્રાંત ખોસ્ત, કુનાર અને પક્તિકામાં ઍરસ્ટ્રાઇક કરી હતી. ખોસ્ત પર કરેલા હુમલામાં ૧૦ સામાન્ય લોકોએ જીવ ગુમાવ્યા હતા, જેમાં ૯ બાળકો અને એક મહિલા સામેલ છે. તાલિબાની પ્રવક્તા જબીઉલ્લાહ મુઝાહિદે કહ્યું હતું કે પાકિસ્તાની વિમાનોએ એક ઘર પર રાતે ૧૨ વાગ્યે બૉમ્બમારો કર્યો હતો એમાં પાંચ છોકરાઓ, ૪ છોકરીઓ અને એક મહિલા મૃત્યુ પામ્યાં હતાં. કુનાર અને અન્ય પ્રાંતમાં થયેલા પાકિસ્તાની હુમલામાં ૪ નાગરિકો ઘાયલ થયા હતા.’
આ હુમલો કરીને પાકિસ્તાને ઇસ્તાંબુલમાં થયેલા યુદ્ધવિરામના કરારનું ઉલ્લંઘન કર્યું છે એમ જણાવતાં જબીઉલ્લાહે કહ્યું હતું કે અમે યોગ્ય સમયે એનો જડબાતોડ જવાબ આપીશું.
આ ઘટના પર પાકિસ્તાનની સેના કે વિદેશ મંત્રાલય તરફથી કોઈ સત્તાવાર પ્રતિક્રિયા આવી નથી.
ADVERTISEMENT
પાકિસ્તાની સુરક્ષા દળોએ TTPના બાવીસ આતંકવાદીઓને કર્યા ઢેર
પેશાવરમાં તહરીક-એ-તાલિબાન (TTP) દ્વારા કરાયેલા હુમલાના જવાબમાં ગઈ કાલે પાકિસ્તાની સુરક્ષા દળોએ ખૈબરપખ્તૂનખ્વા પ્રાંતમાં TTPના બાવીસ આતંકવાદીઓને મારી નાખ્યા હતા. ખુફિયા માહિતી અનુસાર પાકિસ્તાનની સેના બે દિવસથી અભિયાન ચલાવી રહી હતી.
