આ મૅટ્રેસ આશરે પોણાબસો વર્ષ જૂની લક્ઝરી બેડ ઍન્ડ મૅટ્રેસ બ્રૅન્ડ હેસન્સની છે
સ્પેશ્યલ મૅટ્રેસ
મુંબઈની એક ઇન્ટીરિયર ડિઝાઇનરે ઇન્સ્ટાગ્રામ પર એક એવી રીલ શૅર કરી છે જે જોઈને આપણી આંખનાં ભવાં તણાઈ જાય. આ ડિઝાઇનર બહેન રીલમાં એક એવી સ્પેશ્યલ મૅટ્રેસ બતાવે છે જેને તેમણે મૅટ્રેસની રોલ્સ-રૉયસ ગણાવી છે. આ મૅટ્રેસ સ્વાભાવિક રીતે ખૂબ જ આરામદાયક હોવાની અને બ્યુટિફુલ હોવાની વાત થાય છે એ તો ઠીક છે, પણ આ મૅટ્રેસની કિંમત કહેવાઈ છે બે-પાંચ લાખ નહીં, પૂરા ૭ કરોડ રૂપિયા. આ કિંમત સાંભળીને ભલભલાને તમ્મર આવી ગયાં હતાં.
હકીકતમાં આ મૅટ્રેસ આશરે પોણાબસો વર્ષ જૂની લક્ઝરી બેડ ઍન્ડ મૅટ્રેસ બ્રૅન્ડ હેસન્સની છે. મૅટ્રેસ સંપૂર્ણપણે સ્વીડિશ હસ્તકલાના કારીગરોએ હાથે ગૂંથી છે. કારીગરોને આ એક મૅટ્રેસ તૈયાર કરવા માટે આશરે ૩૦૦ જેટલા કલાક લાગ્યા હતા. આ મૅટ્રેસમાં ઊન ઉપરાંત ઘોડાના વાળ પણ ઉમેરવામાં આવ્યા છે અને એની બનાવટ એટલી વિશિષ્ટ છે કે એમાં ગમેએટલો સમય સૂઓ તો પણ પરસેવો નથી થતો. વિશ્વભરમાં સેલિબ્રિટિઝથી લઈને પૉલિટિશ્યન્સ માટે આ બ્રૅન્ડ સ્ટેટસ-સિમ્બૉલ સમાન બની ગઈ છે.
