Ram Navami 2025: કોમી તણાવનો ઇતિહાસ ધરાવતા સ્થળોએ વધારાની પોલીસ દળ તહેનાત કરવામાં આવશે, અને શહેરોમાં ડ્રોન કૅમેરા દ્વારા શોભાયાત્રાઓનું નિરીક્ષણ કરવામાં આવશે. આ સાથે જો કોઈપણ વ્યક્તિ આ ઉજવણીમાં ભંગ પાડવાનો કરશે તો તેની સામે કાર્યવાહી થશે.
પ્રતીકાત્મક તસવીર સૌજન્ય મિડ-ડે
ચૈત્રી નવરાત્રિનો છેલ્લો દિવસ આવતીકાલે રામ નવમીની પૂર્ણ દુનિયાભરમાં ઉજવણી કરવામાં આવશે. રામ નવમીનો અલગ જ ઉત્સાહ ભારતમાં જોવા મળવાનો છે, ખાસ કરીને મુંબઈ જેવા મોટા શહેરમાં. જોકે રામ નવમીને લઈને શહેરમાં કોઈપણ અણબનાવ ન બને તે માટે મુંબઈ પોલીસે સંપૂર્ણ તૈયારી કરી દીધી છે. રામ નવનીની ઉજવણી માટે શહેરના ઠેર ઠેર પોલીસ તહેનાત કરવામાં આવ્યા છે.
શહેરમાં રામ નવમીની ઉજવણી પહેલા, મુંબઈ પોલીસે શનિવારે જણાવ્યું હતું કે તેણે શહેરમાં વિશાળ સુરક્ષા કવચ તહેનાત કરવાની યોજના બનાવી છે જેમાં હજારો પોલીસ અને ખાસ ટીમો ફરજ પર ઊભા રહેશે. મુંબઈ પોલીસના એક વરિષ્ઠ અધિકારીએ જણાવ્યું હતું કે રામ નવમીની ઉજવણી માટે સુરક્ષા વ્યવસ્થાના ભાગ રૂપે, મુંબઈ પોલીસે શહેરભરમાં વ્યાપક સુરક્ષા કવચ તહેનાત કરવાની યોજના બનાવી છે જેથી કાર્યક્રમ સુગમ અને શાંતિપૂર્ણ રીતે યોજાય.
ADVERTISEMENT
તેમણે કહ્યું કે શહેરના વિવિધ સ્થળોએ 2,500 થી વધુ અધિકારીઓ અને 11,000 પોલીસ કર્મચારીઓને તહેનાત કરવામાં આવશે, જેમાં શોભાયાત્રાના માર્ગો અને પૂજા સ્થળોના મુખ્ય વિસ્તારોનો સમાવેશ થાય છે. અધિકારીએ જણાવ્યું હતું કે રાજ્ય રિઝર્વ પોલીસ દળ (SRPF) કંપનીઓ ઉપરાંત સુરક્ષા પગલાંના ભાગ રૂપે શહેરમાં 20 જેટલા ડેપ્યુટી કમિશનર ઑફ પોલીસ (DCP), 51 સહાયક કમિશનર ઑફ પોલીસ (ACP), 2,500 મુંબઈ પોલીસ અધિકારીઓ અને લગભગ 11,000 પોલીસ કર્મચારીઓને તહેનાત કરવામાં આવશે.
View this post on Instagram
SRPF ની નવ કંપનીઓ મુંબઈમાં વધારાનું સુરક્ષા કવચ પૂરું પાડશે, અધિકારીએ જણાવ્યું હતું કે શહેર પોલીસના વરિષ્ઠ પોલીસ અધિકારીઓ મુંબઈમાં ઉજવણીનું નિરીક્ષણ કરશે. રામ નવમી 6 એપ્રિલ, રવિવારે ઉજવવામાં આવશે. હિન્દુ ધર્મના સૌથી આદરણીય દેવતાઓમાંના એક ભગવાન રામની જન્મજયંતિની ઉજવણી માટે સમગ્ર ભારતમાં રામ નવમી ઉજવવામાં આવે છે. ભગવાન રામની જન્મજયંતીની ઉજવણી માટે ભક્તો દેશભરમાં શોભાયાત્રા નીકળે છે. આ કાર્યક્રમ ચૈત્ર મહિનાના નવમા દિવસે (નવમી) ઉજવવામાં આવે છે. રામ નવમી ઉજવણીના મુખ્ય આકર્ષણોમાંનું એક "રામ નવમી રથયાત્રા" તરીકે ઓળખાતી શોભાયાત્રા છે.
દરમિયાન, મહારાષ્ટ્રમાં પોલીસને રામ નવમી તહેવાર પહેલા સતર્ક રહેવાનું કહેવામાં આવ્યું છે, એમ એક ઉચ્ચ અધિકારીએ શુક્રવારે પીટીઆઈને જણાવ્યું હતું. પોલીસ અધિકારીએ જણાવ્યું હતું કે, સમાચાર એજન્સીએ અહેવાલ આપ્યો છે કે શહેર પોલીસના તમામ યુનિટ કમાન્ડરો અને જિલ્લા પોલીસ અધિક્ષકોને કાયદો અને વ્યવસ્થાની સ્થિતિ જાળવવા માટે ફોર્સને એલર્ટ રાખવા માટે કહેવામાં આવ્યું છે.
પીટીઆઈના જણાવ્યા મુજબ, પોલીસ મહાનિર્દેશક રશ્મિ શુક્લાએ તાજેતરમાં પરિસ્થિતિની સમીક્ષા કરી હતી. કોમી તણાવનો ઇતિહાસ ધરાવતા સ્થળોએ વધારાની પોલીસ દળ તહેનાત કરવામાં આવશે, અને શહેરોમાં ડ્રોન કૅમેરા દ્વારા શોભાયાત્રાઓનું નિરીક્ષણ કરવામાં આવશે. આ સાથે જો કોઈપણ વ્યક્તિ આ ઉજવણીમાં ભંગ પાડવાનો કે ઉપદ્રવ મચાવવાનો પ્રયત્ન કરશે તો તેની સામે કડક કાર્યવાહી કરવામાં આવશે, એવી ચેતવણી પણ પોલીસે આપી છે.
