અંકલે પોતાની સીક્રેટ લક્ઝરી લાઇફ છોડીને બધા પૈસા ફાઇનૅન્શિયલ ઍડ્વાઇઝરની સલાહ પ્રમાણે ઇન્વેસ્ટ કરી દીધા, પરિવારનું ફ્યુચર સિક્યૉર કરવા માટે
પ્રતીકાત્મક તસવીર
જપાનના સોશ્યલ મીડિયામાં અત્યારે ૬૬ વર્ષના એક નિવૃત્ત દાદાની ચર્ચા ચાલી રહી છે. એસ. નામે ઓળખાયેલા આ કાકાને કૉફીશૉપમાં જઈને પાછા ફરતી વખતે લૉટરીની ટિકિટ ખરીદવાની આદત હતી. એક દિવસ તેમને અણધારી ૩૪ કરોડ રૂપિયાની લૉટરી લાગી ગઈ. ના, પછી બધાએ ખાઈ-પીને રાજ નથી કર્યું. વાત અહીં પૂરી નથી થતી, અહીંથી શરૂ થાય છે.
આટલી મોટી રકમ સાંભળીને ડઘાઈ ગયેલા દાદાએ શું કરવું એની કાંઈ સમજ ન પડી, કારણ હતું તેમની મહાકંજૂસ વાઇફ, જે ઈ-પાઈનો હિસાબ રાખતી અને દાદાને કેટલાય સમયથી એક નવી ગાડી ખરીદવા નહોતી દેતી. દાદાએ આ લૉટરીની વાત પત્નીને કરી, પણ એટલું જ કહ્યું કે થોડા લાખ રૂપિયા મળ્યા છે, ચાલો, આપણે ઘરનું રિનોવેશન કરાવી લઈએ. એ પછી તો એસ. અંકલે ૬ મહિનામાં એક કરોડ રૂપિયા વાપરી નાખ્યા. આખા જપાનમાં ફર્યા. ગમતી લક્ઝરી ગાડીઓ લીધી અને મોંઘા-મોંઘા રિસૉર્ટ્સમાં આનંદ માણ્યો. જોકે આ બધું છૂપી રીતે કરવાનું હતું, વાઇફને કે નજીકના મિત્રો-પરિવારજનોને ખબર ન પડે એમ. અંતે ૬ મહિનામાં દાદા એકલવાયું ફીલ કરવા લાગ્યા. અંતે એસ. અંકલે પોતાની સીક્રેટ લક્ઝરી લાઇફ છોડીને બધા પૈસા ફાઇનૅન્શિયલ ઍડ્વાઇઝરની સલાહ પ્રમાણે ઇન્વેસ્ટ કરી દીધા, પરિવારનું ફ્યુચર સિક્યૉર કરવા માટે.
