જપાનમાં નાઇટ-ક્લબમાં ભેગા થઈને લોકો પુસ્તક વાંચવાની પાર્ટી કરે છે

DJ પર મનને શાંત કરે અને સુકૂન આપે એવું નિરંતર છતાં રીફ્રેશ કરતું હળવું સંગીત વગાડે છે

પુસ્તક વાંચવાની પાર્ટી

જપાનના ટોક્યોમાં એક મૉડર્ન નાઇટ-લાઇફ ઇવેન્ટનો ટ્રેન્ડ શરૂ થયો છે. અહીં લોકો નાઇટ-ક્લબમાં પુસ્તકો વાંચવા ભેગા થાય છે. સામાન્ય રીતે રાતના સમયે ક્લબોમાં થતી નાઇટમાં જોરશોરવાળું અને ડાન્સ કરવાનું મન થાય એવું મ્યુઝિક વાગતું હોય. જોકે આ ‘જૂસી બુક રેવ’ તરીકે ઓળખાતી નાઇટ-પાર્ટીમાં ડિસ્ક-જૉકી (DJ) એકદમ હળવું અને શાંત મ્યુઝિક વગાડે છે. અહીં કોઈ DJવાલે બાબુને પાર્ટી-સૉન્ગ વગાડવાની ફરમાઇશ કરતું નથી. ઊલટાનું DJ પર મનને શાંત કરે અને સુકૂન આપે એવું નિરંતર છતાં રીફ્રેશ કરતું હળવું સંગીત વગાડે છે અને લોકો પણ ચૂપચાપ પુસ્તકો વાંચે છે. આ ક્લબમાં તમે તમારી બુક લઈને પણ આવી શકો છો અને જો ન હોય તો અહીં બુકશેલ્ફમાંથી મનગમતી બુક પસંદ કરીને એ પણ વાંચી શકો છો. સોશ્યલાઇઝેશન એટલે પાર્ટી, દારૂ અને ધમાલ જ એવી માન્યતા જૅપનીઝ યુવાનો હવે તોડી રહ્યા છે.