સ્પર્ધા વન-ડે વર્લ્ડ કપમાં ડાયરેક્ટ ક્વૉલિફાય થવા માટે અને મહિલા ક્રિકેટને પ્રોત્સાહન આપવા માટે ૨૦૧૪થી રમાઈ રહી છે.
ICC વિમેન્સ ચૅમ્પિયનશિપ ૨૦૨૨-’૨૫ની ટ્રોફી સાથે ઑસ્ટ્રેલિયન ટીમ.
ગઈ કાલે ICC દ્વારા ઑસ્ટ્રેલિયન વિમેન્સ ટીમને ICC વિમેન્સ ચૅમ્પિયનશિપ ૨૦૨૨-’૨૫ની ટ્રોફી એનાયત કરવામાં આવી હતી. આ પહેલાં આ ટીમે ૨૦૧૪-’૧૬ અને ૨૦૧૭-’૨૦ની ટ્રોફી પણ ઉપાડી હતી. ઑસ્ટ્રેલિયન ટીમે સળંગ ત્રીજી વાર ICC વિમેન્સ ચૅમ્પિયનશિપ ટ્રોફી જીતી છે. આ સ્પર્ધા વન-ડે વર્લ્ડ કપમાં ડાયરેક્ટ ક્વૉલિફાય થવા માટે અને મહિલા ક્રિકેટને પ્રોત્સાહન આપવા માટે ૨૦૧૪થી રમાઈ રહી છે. પહેલી બે સીઝન ૮ ટીમો વચ્ચે અને વર્તમાન સીઝન ૧૦ ટીમો વચ્ચે રમાઈ હતી.
આ ચૅમ્પિયનશિપ દરમ્યાન દરેક ટીમ અન્ય ૮ ટીમો સામે ત્રણ મૅચની વન-ડે સિરીઝ રમે છે. ૨૪ મૅચમાં જે ટીમ સૌથી વધુ પૉઇન્ટ મેળવે છે એ ચૅમ્પિયનશિપની વિજેતા બને છે. આ સ્પર્ધાને આધારે ૨૦૨૫માં ભારતમાં આયોજિત વન-ડે વર્લ્ડ કપ માટે વિજેતા ઑસ્ટ્રેલિયા (૩૯ પૉઇન્ટ) બાદ ભારત (૩૭ પૉઇન્ટ) સહિતની ટૉપ-ફાઇવ ટીમ સીધી ક્વૉલિફાય થઈ છે. વર્લ્ડ કપ માટેનાં છેલ્લાં બે સ્થાન માટે ICC વિમેન્સ ચૅમ્પિયનશિપની અંતિમ ચાર ટીમોને ક્વૉલિફાયર રમવાની તક મળશે.
