ક્રિકેટર ઑફ ધ યર પણ આપણો જસ્સી જ

ટેસ્ટ ક્રિકેટર ઑફ ધ યરની જેમ સર ગારફીલ્ડ સોબર્સ અવૉર્ડ જીતનાર પહેલો ભારતીય ફાસ્ટ બોલર બન્યો જસપ્રીત બુમરાહ : પહેલાં ભારતના ત્રણ સ્ટાર બૅટર અને એક ઑલરાઉન્ડર પણ જીતી ચૂક્યા છે આ અવૉર્ડ

જસપ્રીત બુમરાહ

ભારતના સ્ટાર ફાસ્ટ બોલર જસપ્રીત બુમરાહને ICC દ્વારા વધુ એક પ્રતિષ્ઠિત અવૉર્ડથી સન્માનિત કરવામાં આવ્યો છે. બુમરાહને ૨૦૨૪ માટે ક્રિકેટર ઑફ ધ યર એટલે કે સર ગારફીલ્ડ સોબર્સ અવૉર્ડ માટે પસંદ કરવામાં આવ્યો છે. બુમરાહ ICC ટેસ્ટ ક્રિકેટર ઑફ ધ યરની જેમ સર ગારફીલ્ડ સોબર્સ અવૉર્ડ જીતનાર પહેલો ભારતીય ફાસ્ટ બોલર બન્યો છે. બુમરાહ પહેલાં રાહુલ દ્રવિડ (૨૦૦૪ ), સચિન તેન્ડુલકર (૨૦૧૦ ), રવિચન્દ્રન અશ્વિન (૨૦૧૬ ) અને વિરાટ કોહલી (૨૦૧૭  અને ૨૦૧૮) ભારત તરફથી આ અવૉર્ડ મેળવી ચૂક્યા છે.

બુમરાહ ૨૦૨૪માં એક પણ વન-ડે મૅચ રમ્યો નથી, પણ T20 (૧૫ વિકેટ) અને ટેસ્ટ-ફૉર્મેટ (૭૧ વિકેટ)માં શાનદાર પ્રદર્શન કરીને તે આ પ્રતિષ્ઠિત અવૉર્ડનો હકદાર બન્યો છે. બુમરાહ અન્ય નૉમિની ઑસ્ટ્રેલિયાના ટ્રૅવિસ હેડ, ઇંગ્લૅન્ડના જો રૂટ અને હૅરી બ્રુકને જબરદસ્ત ટક્કર આપીને આ ટાઇટલ જીત્યો છે.

ADVERTISEMENT

૨૦૨૪માં જસપ્રીત બુમરાહનું બોલિંગ-પ્રદર્શન