Gujarati Mid-day
Happiest Places to Work

ઇ-પેપર

વેબસ્ટોરીઝ

વેબસ્ટોરીઝ


App banner App banner
હોમ > સ્પોર્ટ્સ સમાચાર > ક્રિકેટ > આર્ટિકલ્સ > મુંબઈ-બૅન્ગલોર વચ્ચેની ટક્કરથી શરૂ થશે WPLની ચોથી સીઝન

મુંબઈ-બૅન્ગલોર વચ્ચેની ટક્કરથી શરૂ થશે WPLની ચોથી સીઝન

Published : 30 November, 2025 02:56 PM | IST | Mumbai
Gujarati Mid-day Correspondent | feedbackgmd@mid-day.com

હરમનપ્રીત કૌરની આગેવાની હેઠળની ડિફેન્ડિંગ ચૅમ્પિયન મુંબઈ ઇન્ડિયન્સ નવી મુંબઈના ડી. વાય. પાટીલ સ્ટેડિયમ ખાતે ચોથી વિમેન્સ પ્રીમિયર લીગ (WPL)ની ઓપનિંગ મૅચમાં ૨૦૨૪ની વિજેતા રૉયલ ચૅલેન્જર્સ બેન્ગલુરુનો સામનો કરશે.

મુંબઈ-બૅન્ગલોર વચ્ચેની ટક્કરથી શરૂ થશે WPLની ચોથી સીઝન

મુંબઈ-બૅન્ગલોર વચ્ચેની ટક્કરથી શરૂ થશે WPLની ચોથી સીઝન


હરમનપ્રીત કૌરની આગેવાની હેઠળની ડિફેન્ડિંગ ચૅમ્પિયન મુંબઈ ઇન્ડિયન્સ નવી મુંબઈના ડી. વાય. પાટીલ સ્ટેડિયમ ખાતે ચોથી વિમેન્સ પ્રીમિયર લીગ (WPL)ની ઓપનિંગ મૅચમાં ૨૦૨૪ની વિજેતા રૉયલ ચૅલેન્જર્સ બેન્ગલુરુનો સામનો કરશે. ૨૦૨૬ની ૯ જાન્યુઆરીએ શુક્રવારે શરૂ થનારી આ ટુર્નામેન્ટ પાંચમી ફેબ્રુઆરીએ ગુરુવારે સમાપ્ત થશે. પહેલી વખત ફાઇનલ મૅચ અઠવાડિયાના અધવચ્ચેના દિવસે યોજાશે જેથી ૭ ફેબ્રુઆરીએ શરૂ થનારા મેન્સ T20 વર્લ્ડ કપ 2026ના શેડ્યુલ સાથેની ટક્કર ટાળી શકાય.

૨૮ દિવસની ટુર્નામેન્ટમાં બાવીસ મૅચ નવી મુંબઈ અને વડોદરાના સ્ટેડિયમમાં રમાશે. નવથી ૧૭ જાન્યુઆરી સુધી પહેલી ૧૧ મૅચ ડી. વાય. પાટીલ સ્ટેડિયમમાં રમાશે જેમાં ૧૦ અને ૧૭ જાન્યુઆરીએ બે-બે મૅચ રમાશે. એક દિવસના બ્રેક બાદ ૧૯ જાન્યુઆરીથી પાંચમી ફેબ્રુઆરી સુધી વડોદરાના કોટમ્બી સ્ટેડિયમમાં ફાઇનલ મૅચ અને ૩ ફેબ્રુઆરીની એલિમિનેટર મૅચ સહિતની તમામ ૧૧ મૅચ સાંજે રમાશે. વડોદરાની મૅચો દરમ્યાન ૭ બ્રેક-ડે હશે.

મુંબઈ ઇન્ડિયન્સ, રૉયલ ચૅલેન્જર્સ બેન્ગલુરુ, યુપી વૉરિયર્સ, ગુજરાત જાયન્ટ્સ અને દિલ્હી કૅપિટલ્સ ડબલ રાઉન્ડ-રૉબિન ફૉર્મેટમાં એકબીજા સાથે બે વાર રમશે. ટોચની ટીમ સીધી ફાઇનલમાં પહોંચશે જ્યારે બીજા અને ત્રીજા ક્રમે રહેલી ટીમો બીજી ફાઇનલિસ્ટ ટીમ બનવા માટે એલિમિનેટરમાં ટકરાશે.ૅ


Whatsapp-channel Whatsapp-channel

30 November, 2025 02:56 PM IST | Mumbai | Gujarati Mid-day Correspondent

App Banner App Banner

અન્ય લેખો


This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK