Bollywood Actress Robbed in Hyderabad: હૈદરાબાદમાં એક ચોંકાવનારી ઘટના સામે આવી છે, જેમાં એક જાણીતી બૉલિવુડ અભિનેત્રી પર હુમલો કરવામાં આવ્યો, લૂંટ મચાવવામાં આવી અને તેના પર અનૈતિક પ્રવૃત્તિઓ માટે દબાણ કરવામાં આવ્યું.
પ્રતીકાત્મક તસવીર (સૌજન્ય: મિડ-ડે)
હૈદરાબાદમાં એક ચોંકાવનારી ઘટના સામે આવી છે, જેમાં એક જાણીતી બૉલિવુડ એક્ટ્રેસ પર હુમલો કરવામાં આવ્યો, લૂંટ મચાવવામાં આવી અને તેના પર વેશ્યાવૃત્તિ માટે દબાણ કરવામાં આવ્યું. (Bollywood Actress Robbed in Hyderabad)
હોટલમાં રાત્રિના સમયે હુમલો, પૈસા અને સોનાની લૂંટ
બૉલિવુડ અભિનેત્રી હૈદરાબાદમાં એક દુકાનના ઉદ્ઘાટન સમારોહ માટે મુખ્ય અતિથિ તરીકે ગઈ હતી. મસાબ ટૅન્ક (Masab Tank) વિસ્તારમાં બંજારા હિલ્સ નજીક એક હોટલમાં રાતે, જયારે અભિનેત્રી આરામ કરી રહી હતી, ત્યારે ચાર અજાણ્યા લોકો તેના રૂમમાં ઘૂસી આવ્યા અને હુમલો કર્યો.
ADVERTISEMENT
પોલીસની માહિતી મુજબ:
બે મહિલાઓ અને બે પુરુષો હોટલ રૂમમાં ઘૂસી ગયા.
તેમણે અભિનેત્રી પર વેશ્યાવૃત્તિનું કામ કરવા માટે દબાણ કર્યું.
અભિનેત્રીએ વિરોધ કર્યો, પણ આરોપીઓએ તેના હાથ-પગ બાંધી દીધા.
રૂમમાં તોડફોડ કરી, રોકડ અને સોનાના દાગીના લુંટ્યા.
લુંટ બાદ તરત ઘટના સ્થળેથી નાસી ગયા.
આ ઘટનાને લઈ હોટલના સ્ટાફ અને સ્થાનિક પોલીસ સક્રિય થઈ ગઈ. અભિનેત્રીએ તરત જ પોલીસ ફરિયાદ નોંધાવી દીધી. ત્યાર બાદ સીસીટીવી ફૂટેજના આધારે આરોપીઓને પકડવાની કાર્યવાહી ચાલી રહી છે.
એપાર્ટમેન્ટમાં હુમલો, દબાણ અને શારીરિક હિંસા
Bollywood Actress Robbed in Hyderabad: મુંબઈની (Mumbai) 30 વર્ષીય અભિનેત્રીને 17 માર્ચે એક મહિલા મિત્ર દ્વારા હૈદરાબાદ (Hyderabad) બોલાવવામાં આવી હતી. તેને દુકાનના ઉદ્ઘાટન માટે બોલાવવામાં આવી હતી અને ફ્લાઇટ ટિકિટ અને રોકડ રકમ આપવાનું વચન આપવામાં આવ્યું હતું. 18 માર્ચે, તે હૈદરાબાદ (Hyderabad) પહોંચી અને મસાબ ટૅન્ક, શ્યામનગર કૉલોનીના એક એપાર્ટમેન્ટમાં રોકાઈ, જ્યાં એક વૃદ્ધ મહિલાએ તેની રહેવાની વ્યવસ્થા કરી હતી.
21 માર્ચે રાત્રે 9 વાગ્યે, બે મહિલાઓ તેના રૂમમાં ઘૂસી ગઈ અને તેના પર વેશ્યાવૃત્તિ માટે દબાણ કર્યું. ત્યારબાદ, રાત્રે 11 વાગ્યે, ત્રણ પુરુષો રૂમમાં ઘૂસી આવ્યા અને શારીરિક શોષણ કરવાનો પ્રયાસ કર્યો. અભિનેત્રીએ આનો વિરોધ કર્યો અને પોલીસમાં ફરિયાદ નોંધાવવાની ધમકી આપી. અભિનેત્રીએ મદદ માટે બૂમો પાડી તો ત્રણેય શખ્સ ત્યાંથી નાસી છૂટ્યા. આ પછી, વૃદ્ધ મહિલા અને અન્ય બે મહિલાઓએ અભિનેત્રીને રૂમમાં બંધ કરી દીધી અને 50,000 રૂપિયા રોકડ લઈને ભાગી ગયાં. જ્યારે આ ઘટના બની રહી હતી, ત્યારે અભિનેત્રીએ ડાયલ 100 દ્વારા પોલીસનો સંપર્ક કર્યો. મસાબ ટૅન્ક પોલીસ તરત જ ઘટના સ્થળે પહોંચી અને અભિનેત્રીને સુરક્ષિત રીતે તેને જે રૂમમાં કેદ કરી રાખી હતી ત્યાંથી સુરક્ષિત રીતે બહાર કાઢી.
પોલીસ તપાસ ચાલુ
ફરિયાદના આધારે, પોલીસે ગુનો નોંધી તપાસ શરૂ કરી દીધી છે. પોલીસ હાલ સીસીટીવી ફૂટેજ અને અન્ય પુરાવાઓના આધારે આરોપીઓ સુધી પહોંચવાનો પ્રયાસ કરી રહી છે. આ વિશે વધુ વિગતો મેળવવાનો પ્રયાસ થઈ રહ્યો છે.
