`ગબરુ’ આવતા વર્ષે માર્ચમાં રિલીઝ કરવાનું પ્લાનિંગ છે
ફિલ્મનું પોસ્ટર
સની દેઓલ અને સલમાન ખાન બન્ને માટે આગામી વર્ષ બહુ ધમાકેદાર રહેવાનું છે. એક તરફ સલમાનની ‘બૅટલ ઑફ ગલવાન’ અને ‘રાજા શિવાજી’ રિલીઝ થવાની છે તેમ જ સની દેઓલ ‘બૉર્ડર 2’ અને ‘ગબરુ’માં જોવા મળશે. ‘ગબરુ’ આવતા વર્ષે માર્ચમાં રિલીઝ કરવાનું પ્લાનિંગ છે અને રિપોર્ટ પ્રમાણે આ ફિલ્મમાં સની દેઓલ સાથે સલમાન ખાન પણ જોવા મળશે. ‘ગબરુ’માં સલમાનનો કૅમિયો હશે અને એ વાર્તામાં મોટો ટ્વિસ્ટ લાવશે. જોકે અત્યાર સુધી સલમાનના કૅમિયોના સમાચાર સીક્રેટ રાખવામાં આવ્યા હતા.
મળતી માહિતી પ્રમાણે ‘ગબરુ’માં એક મોટા સ્ટારની જરૂર હતી અને મેકર્સને ખબર હતી કે આ રોલ માટે સલમાન એકદમ ફિટ છે. આ સંજોગોમાં સલમાનનો સંપર્ક કરવામાં આવ્યો અને તેને આ રોલ ગમ્યો હતો. એ પછી સલમાને ચૂપચાપ એનો ભાગ શૂટ કરી લીધો હતો.
ADVERTISEMENT
સલમાન અને સની વચ્ચે બહુ સારી મિત્રતા છે પણ તેમણે હજી સુધી એક વખત જ સાથે કામ કર્યું છે. સની અને સલમાને ૧૯૯૬ની ફિલ્મ ‘જીત’માં સાથે કામ કર્યું હતું. ત્યાર બાદ બન્ને ૨૦૦૮ની ફિલ્મ ‘હીરોઝ’માં દેખાયા હતા, પરંતુ એમાં તેમણે સ્ક્રીન શૅર નહોતી કરી.
