બાગપત પાસેના બડૌત ગામમાં એક પરિણીત મહિલા હોટેલની ૧૨ ફુટ ઊંચી છત પરથી છલાંગ મારીને ફરાર થઈ ગઈ હતી
બાગપત પાસેના બડૌત ગામમાં બની ઘટના
બાગપત પાસેના બડૌત ગામમાં એક પરિણીત મહિલા હોટેલની ૧૨ ફુટ ઊંચી છત પરથી છલાંગ મારીને ફરાર થઈ ગઈ હતી. વાત એમ હતી કે બહેન એ હોટેલમાં તેના પ્રેમી સાથે આવી હતી. તેને પતિ સાથે બનતું નહોતું અને પતિ સાથે કાનૂની વિવાદ ઑલરેડી ચાલી રહ્યો હતો. ગઈ કાલે જ્યારે તેના પતિને ખબર પડી કે તેની પત્ની બડૌદ ગામની એક હોટેલમાં પ્રેમી સાથે રોકાઈ છે ત્યારે પત્નીને રંગેહાથ પકડવા માટે તેણે પોલીસ સાથે ત્યાં છાપો માર્યો હતો. જ્યારે મહિલાએ પતિને પોલીસ સાથે ત્યાં જોયો ત્યારે પકડાઈ જવાના ડરથી તેણે હોટેલની બારીમાંથી ૧૨ ફુટ ઊંચેથી નીચે ભૂસકો મારી દીધો હતો. જોકે એ પછી પણ તે બચી નહોતી શકી. હોટેલની બહાર તેનાં સાસરિયાંની એક વ્યક્તિ ઑલરેડી ત્યાં ઊભી હતી તેણે કૂદતી મહિલાનો વિડિયો બનાવી દીધો હતો. સોશ્યલ મીડિયામાં એ વિડિયો વાઇરલ થઈ ગયો છે.
