Gujarati Mid-day

ઇ-પેપર

ગણેશ ચતુર્થી

ગણેશ ચતુર્થી


હોમ > સ્પોર્ટ્સ સમાચાર > અન્ય સ્પોર્ટ્સ > આર્ટિકલ્સ > CWG 2022: અચંતા શરથ કમલે ટેબલ ટેનિસમાં જીત્યો ગોલ્ડ, લિયામ પિચફોર્ડને આપી માત

CWG 2022: અચંતા શરથ કમલે ટેબલ ટેનિસમાં જીત્યો ગોલ્ડ, લિયામ પિચફોર્ડને આપી માત

08 August, 2022 06:40 PM IST | Mumbai
Gujarati Mid-day Online Correspondent | gmddigital@mid-day.com

ભારતના ગોલ્ડ મેડલની સંખ્યા વધીને 21 થઈ ગઈ છે

તસવીર સૌજન્ય: એએફપી

તસવીર સૌજન્ય: એએફપી


કૉમનવેલ્થ ગેમ્સ 2022માં ભારતીય ખેલાડીઓ સતત સારું પ્રદર્શન કરી રહ્યા છે. ભારતના મેડલની સંખ્યા સતત વધી રહી છે. હવે ટેબલ ટેનિસમાં અચંતા શરથ કમલે વધુ એક ગોલ્ડ મેડલ ભારતની ઝોળીમાં નાખ્યો છે. તેણે લિયામ પિચફોર્ડને હરાવ્યો હતો. આ રીતે હવે કૉમનવેલ્થ ગેમ્સ 2022માં ભારતના ગોલ્ડ મેડલની સંખ્યા વધીને 21 થઈ ગઈ છે. આ સાથે જ ભારત મેડલ ટેલીમાં ચોથા નંબર પર છે.

કૉમનવેલ્થ ગેમ્સમાં અચંતા શરથ કમલનો 7મો મેડલ


નોંધનીય છે કે કોમનવેલ્થ ગેમ્સમાં અચંતા શરથ કમલનો આ 7મો મેડલ છે. આ પહેલાં અચંતા શરથ કમલે કૉમનવેલ્થ ગેમ્સ 2006, 2010, 2014 અને 2018માં મેડલ જીત્યા છે. આ રીતે તેણે સતત પાંચમી કૉમનવેલ્થ ગેમ્સમાં મેડલ જીત્યો છે. અચંતા શરથ કમલે પ્રથમ વખત 2006 મેલબોર્ન કોમનવેલ્થ ગેમ્સમાં મેડલ જીત્યો હતો. જોકે, અચંતા શરથ કમલે 40 વર્ષની ઉંમરે ગોલ્ડ મેડલ જીતીને ઈતિહાસ રચી દીધો છે.


પીવી સિંધુ અને લક્ષ્ય સેને પણ ગોલ્ડ જીત્યો

આ સાથે જ ભારતની સ્ટાર શટલર પીવી સિંધુએ શાનદાર પ્રદર્શન કરીને ગોલ્ડ મેડલ જીત્યો હતો. તેણે બેડમિન્ટન મહિલા સિંગલ્સ મેચમાં કેનેડાની મિશેલ લીને હરાવીને ગોલ્ડ જીત્યો હતો. સિંધુએ આ પહેલાં સેમિફાઇનલ મેચમાં પણ શાનદાર પ્રદર્શન કર્યું હતું. તેણે તેને જાળવી રાખ્યો અને ગોલ્ડ જીત્યો. આ સિવાય ભારતીય બેડમિન્ટન ખેલાડી લક્ષ્ય સેને પુરુષ સિંગલ્સની ફાઈનલ મેચમાં મલેશિયાના તઝે યોંગ એનજીને હરાવીને ગોલ્ડ મેડલ જીત્યો હતો. તેણે જી યોંગને 19-21, 21-9, 21-16થી હરાવ્યો હતો.


08 August, 2022 06:40 PM IST | Mumbai | Gujarati Mid-day Online Correspondent

અન્ય લેખો


This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK