પવઈમાં હૉસ્ટેજની ઘટના પછી રાજ્ય સરકારનો નિર્ણય, લંડનમાં તાલીમ મેળવી છે
હૉસ્ટેજ સિચુએશન સ્પેશ્યલિસ્ટ ACP શાલિની શર્મા
મહારાષ્ટ્ર ગૃહ વિભાગે ગઈ કાલે અસિસ્ટન્ટ કમિશનર ઑફ પોલીસ (ACP) રૅન્કના ચાર અધિકારીઓની બદલીનો ઑર્ડર આપ્યો હતો. ૨૬/૧૧ આતંકવાદી હુમલા પછી હૉસ્ટેજ સિચુએશન સંભાળવા માટે લંડનમાં ખાસ ટ્રેઇનિંગ લઈને આવેલાં પ્રથમ મહિલા-ઑફિસર શાલિની શર્માની પણ બદલી કરવામાં આવી છે અને તેમને હવે મુંબઈમાં પોસ્ટિંગ આપવામાં આવ્યું છે. અત્યાર સુધી તેઓ નાગપુરમાં હતાં.
નોંધનીય છે કે થોડા દિવસો પહેલાં જ મુંબઈમાં રા સ્ટુડિયોમાં ૧૭ બાળકો સહિત કુલ ૧૯ લોકોને હૉસ્ટેજ બનાવવાની ઘટના બની હતી, જેમાં મુખ્ય આરોપી રોહિત આર્યનું મુંબઈ પોલીસ દ્વારા હાથ ધરાયેલી બચાવ-કામગીરીમાં ગોળી વાગવાથી મૃત્યુ થયું હતું.
