જોકે ગૂગલ હવે એને દૂર કરવાની કામગીરીમાં લાગી ગયું
પ્રતીકાત્મક તસવીર (તસવીર સૌજન્યઃ એઆઇ)
૪૫૦૦થી વધુ લોકોની ChatGPT સાથેની પ્રાઇવેટ ચૅટ્સ જાહેર થઈ ગઈ છે. ઇન્ટરનેટ ઍક્સેસ ધરાવતી કોઈ પણ વ્યક્તિ આ ચૅટ્સ યુઝર્સના નામ અને સ્થાન સાથે મેળવી શકે એમ છે. જોકે ગૂગલ હવે એને દૂર કરવાની કામગીરીમાં લાગી ગયું છે.
ChatGPTના વપરાશકારોએ મિત્રો સાથે તેમની ચૅટ્સ શૅર કરી હતી. જોકે આ શૅરિંગમાં ChatGPT એક જાહેર URL જનરેટ કરતું હતું, જેને કોઈ પણ શોધી શકે છે. જોકે ઓપનAI હવે આ લિન્ક્સને દૂર કરવા માટે કામ કરી રહી છે.
ADVERTISEMENT
OpenAIએ કહ્યું હતું કે શૅર કરેલી ચૅટ્સ ટૂંકા ગાળાના પ્રયોગ માટે હતી. યુઝર્સે જ્યારે પ્લૅટફૉર્મના બિલ્ટ-ઇન શૅર બટનનો ઉપયોગ કરીને ChatGPT વાતચીત શૅર કરી ત્યારે તેમને સર્ચ-એન્જિનમાં ચૅટ દેખાય એ માટેનો વિકલ્પ આપવામાં આવ્યો હતો.
