મહિનાઓ પછી પણ અધિકારીઓ તેમને જીવતા સ્વીકારવા તૈયાર ન થતાં હવે મોહમ્મદ આશિક પોસ્ટરમાં ‘સાહેબ, મૈં અભી ઝિન્દા હૂં’ એમ લખી ગળે વળગાડીને ધરણાં પર બેઠા છે.
મોહમ્મદ આશિક
ઉત્તર પ્રદેશના બારાબંકી જિલ્લાના હરખ ગામમાં મોહમ્મદ આશિક અને તેમનાં પત્ની હસમતુલ નિશાને એક વર્ષ પહેલાં અચાનક જ સરકારી પેન્શન મળતું બંધ થઈ ગયું. મોહમ્મદભાઈએ પેન્શન કેમ બંધ થઈ ગયું એની તપાસ કરાવી તો શરૂઆતમાં તો કોઈ જવાબ ન મળ્યો, પરંતુ લેખિત ફરિયાદો કરી ત્યારે તેમને જણાવવામાં આવ્યું કે તેમના ડેટા મુજબ મોહમ્મદ આશિક અને હસમતુલ નિશાનું મૃત્યુ થઈ ચૂક્યું છે એટલે મૃત્યુ બાદ પેન્શન ન મળી શકે. જીવતા હોવા છતાં કોણે અને કેવી રીતે તેમના પેન્શન અકાઉન્ટમાં તેમને મૃત જાહેર કરી નાખ્યા એ મળી જ નથી રહ્યું. નવાઈની વાત એ છે કે રૅશન કાર્ડમાં તેમનું નામ હજી બોલે છે.
મહિનાઓ પછી પણ અધિકારીઓ તેમને જીવતા સ્વીકારવા તૈયાર ન થતાં હવે મોહમ્મદ આશિક પોસ્ટરમાં ‘સાહેબ, મૈં અભી ઝિન્દા હૂં’ એમ લખી ગળે વળગાડીને ધરણાં પર બેઠા છે.
