ગુજરાતી મિડ-ડે ડૉટ કૉમ તમારી માટે લઈને આવ્યું છે `વન્ડર વુમન`ની ખાસ રજૂઆત. આમ તો સમાજની દરેક મહિલા પોતાના `સ્ત્રીત્વ`ના બળે જીવનમાં ઊંચાઈને પામે છે. વળી, આપણી આસપાસ પણ એવી અનેક મહિલાઓ છે, જેમના સમર્પણ, જુસ્સા અને અડગ નિશ્ચયે તેમને નવા મુકામ આપ્યા છે! એક સ્ત્રી ધારે તો શું ન કરી શકે? નિર્દોષ, નિષ્કામ ને નિરાભિમાની નજર વડે જોશો તો પુરુષ સમોવડી થયેલી અનેક સ્ત્રીઓના પ્રેરણાદાયી ઉદાહરણો તમને સાંપડશે. મોટી ઉંમરના ઉંબરાને પણ સહજતાથી ઠેંકીને સ્ત્રી પોતાના શોખને જીવંત કરતી હોય છે. અહીં અમે એવી જ પ્રેરક મહિલાઓની વાત માંડીશું જેઓએ ધીરજ અને આત્મવિશ્વાસની આંગળી પકડીને જીવનમાં નવેસરથી ડગ ભર્યાં છે. ન માત્ર પોતાના કે પોતાના પરિવાર માટે કિન્તુ સમાજના બળબળતાં પ્રશ્નો સામે ઝઝૂમવા માટે મીટ માંડી છે. બેચલરની ડિગ્રી હોય, બિઝનેસ હોય કે પછી હોય બોક્સિંગ! આ પ્રેરણાદાયી મહિલા તો સમાજની સૌ સ્ત્રી માટે અજવાળું બની છે. આજનાં આપણાં વન્ડર વુમન છે નિધિ ભટ્ટ. જેઓ `Soul Pleasure` નામે વીગન પ્રૉડક્ટ્સનું બિઝનેસ તો કરે જ છે પણ તેની સાથે એસ્ટ્રોલોજિસ્ટ, એનિમલ કમ્યુનિકેટર ટેરોટ અને ઓરેકલ રીડર હોવાની સાથે સાથે કૂદરતની એવી શક્તિઓ સાથે તાદાત્મય સાધીને તેમનો સંદેશ તમારા સુધી પહોંચાડીને હીલીંગ કરી વિશ્વમાં સકારાત્મકતા અને આનંદનો વહાવ કરવામાં મહત્ત્વપૂર્ણ કામગીરી પણ બજાવી રહ્યાં છે. તો આજે જાણીએ તેમના વિશે વધુ...
22 May, 2025 07:02 IST | Mumbai | Shilpa Bhanushali
